Biełarusa, jaki pavieryŭ kamisii i viarnuŭsia na radzimu, bačyli znoŭ u Polščy
Nakont budučyni Siarhiej Pietrulevič vykazvajecca ćmiana.
Siarhiej Pietrulevič, jaki ŭ žniŭni 2023 hoda viarnuŭsia ŭ Biełaruś praz kamisiju pa viartańni, znoŭ u Polščy. Jaho zaŭvažyli ŭ Biełastoku, piša Mostmedia.io.
Miarkujecca, što mužčyna pryjechaŭ pabačycca sa svajakami i «da žančyny», ale rašeńnia pra budučyniu jašče nie pryniaŭ. U hutarcy sa znajomymi Pietrulevič zapeŭnivaŭ, što nie pracuje na biełaruskija śpiecsłužby, i zaśmiajaŭsia nakont zdahadki, što jon źjaŭlajecca ahientam.
Historyja Siarhieja Pietruleviča stała viadomaja ŭ vieraśni, kali jon daŭ pakajannaje intervju telekanału ANT. Ź siužetu vynikała, što były dyśpietčar kamunhasa z Vaŭkavyska vosieńniu 2021 hoda źjechaŭ u Biełastok z-za kryminalnaha pieraśledu na radzimie.
Mužčyna raspaviadaŭ, što chacieŭ «dobra zarabić», ale nie skłałasia. Spačatku žyŭ u chostele, potym źniaŭ pakoj. U Biełastoku mužčyna «pierabivaŭsia» vypadkovymi zarobkami, u asnoŭnym padsobnym rabočym: razhružaŭ pasyłki, razvoziŭ zakazy pa horadzie», raspaviadali ŭ siužecie ANT.
Ale, pavodle słoŭ biełarusa, u Polščy «treba było vielmi ciažka pracavać, kab niešta zarabić».
— Pa śpiecyjalnaści niemahčyma ŭładkavacca — treba viedańnie movy. U mianie ničoha hetaha nie było. Na charčavańnie mnie chapała. Kab dzieści tam adkłaści, sabrać hrošaj, adpravić dadomu — pra heta havorka nie išła, — skazaŭ Siarhiej.
Tady mužčyna vyrašyŭ viarnucca ŭ Biełaruś, ale kali daviedaŭsia pra kryminalnuju spravu, spałochaŭsia. Viasnoj 2023 hoda mužčyna źviarnuŭsia ŭ Kamisiju pa viartańni. Taja pryniała rašeńnie ab źmiakčeńni miery strymańnia.
U Biełaruś mužčyna viarnuŭsia 15 žniŭnia. Jaho nie zatrymali na miažy i nie adpravili ŭ śledčy izalatar, ale i kryminalnuju spravu ŭ dačynieńni da jaho na toj momant nie spynili. Uvosień paviedamlałasia, što Pietrulevič znachodziŭsia pad padpiskaj ab niavyjeździe, a sprava była nakiravanaja na dadatkovy razhlad u Śledčy kamitet.
Tady Pietrulevič źbiraŭsia pracavać vartaŭnikom u adnoj sa škoł Vaŭkavyska.
-
Kiraŭnika vialikaj kampanii sielhastechniki asudzili za palityku
-
Chacieli ŭkłaścisia ŭ 45 tysiač, a vyjšła 75 tysiač rubloŭ. Maładyja raskazali pra vydatki na viasielle
-
«Da apošniaha momantu vieryli, što chvaroba budzie pieramožanaja». Ina Kulej pra chvarobu i śmierć Alaksandra Milinkieviča i jaho spadčynu
Kamientary
Ni koła, ni dvora, ni profieśsii, ni znanija jazykov, ni mozhov v hołovie u diśpietčiera!
Puskaj jeho komiśsija po vozvraŝieniju kormit!