Minsk uvajšoŭ u top samych tannych dla žyćcia haradoŭ Jeŭropy
Analityčny servis Numbeo uklučyŭ biełaruskuju stalicu ŭ śpis samych tannych dla žyćcia haradoŭ Jeŭropy. A samyja darahija dla žyćcia — šviejcarskija harady, piša Myfin.by.
Dniami analityčnaja płatforma Numbeo abnaviła rejtynh haradoŭ śvietu pa canie žyćcia ŭ ich. Minsk u hłabalnym śpisie apynuŭsia na 334-j pazicyi z 362 haradoŭ.
Akramia taho, ekśpierty nazvali samyja darahija i tannyja dla žyćcia harady Jeŭropy. U abnoŭlenym śpisie — 173 pazicyi.
Rasijski horad Pierm i biełaruskaja stalica ŭznačalvajuć rejtynh samych tannych haradoŭ: indeks koštu žyćcia ŭ ich akazaŭsia adnolkavym — 27,9. Praciahvajuć śpis harady Ukrainy i Rasii. U pieršaj dziasiatcy, da prykładu, adznačylisia Lvoŭ (indeks koštu žyćcia — 28, 4), Rastoŭ-na-Donie (28, 6), Ufa (29, 8).
Traplańnie Minska ŭ śpis samych tannych jeŭrapiejskich haradoŭ šmat u čym abumoŭlena skaračeńniem kolkaści analizavanych nasielenych punktaŭ. U papiarednim daśledavańni (leta 2023 hoda) razhladałasia košt žyćcia ŭ 244 haradach Jeŭropy, i Minsk tady apynuŭsia pa-za miežami pieršaj dvaccatki samych tannych haradoŭ.
Samymi darahimi haradami Jeŭropy ŭ 2024 hodzie pryznanyja šviejcarskija Ciurych (indeks koštu žyćcia — 122,2), Bazel (121,8), Łazana (117,9), Ženieva (109,6), Biern (107,6). U top-10 taksama ŭvajšli isłandski Rejkjavik (89,4), narviežskija Tranchiejm (86,3), Bierhien (85,2) i Stavanhier (82,8), brytanski Łondan (81,9).
Samy vysoki indeks arendnaj płaty zafiksavany ŭ Łondanie, a samaja tannaja arenda žylla — va Ufie. Kupla praduktaŭ charčavańnia daražej za ŭsio abydziecca ŭ Bazeli i Ciurychu. Najmienšaje značeńnie praduktovaha indeksa — u Rastovie-na-Donie, Samary, Krasnadary i Minsku.
Što tyčycca suśvietnaj dziasiatki samych darahich haradoŭ, to jana takaja:
- Hamiltan (Biermudskija astravy);
- Ciurych (Šviejcaryja);
- Bazel (Šviejcaryja);
- Łazana (Šviejcaryja);
- San-Chase (ZŠA);
- Ženieva (Šviejcaryja);
- San-Francyska (ZŠA);
- Biern (Šviejcaryja);
- Vašynhton (ZŠA);
- Ńju-Jork (ZŠA).
Najtańniejšyja ž — try pakistanskija harady: Isłamabad, Łachor i Karačy.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary