Izrailcianie zabili troch bajevikoŭ CHAMAS u špitali na paleścinskaj terytoryi
Sałdaty Armii abarony Izraila pranikli ŭ špital Ibn-Sina ŭ horadzie Dženin na Zachodnim bierazie raki Iardan i sarvali ataku, jakaja płanavałasia bajevikami CHAMAS. Pra heta havorycca ŭ zajavie izrailskaha vojska — CACHAŁ.
Ministr nacyjanalnaj biaśpieki Izraila Itamar Ben-Hvir apublikavaŭ u svaich sacsietkach videa, na jakim vyjaŭlena, jak izrailskija vajskoŭcy dziejničajuć u špitali pad vyhladam miedycynskaha piersanału, arabskich žančyn i pacyjentaŭ. Hetyja kadry, jak udakładniaje vydańnie The Times of Israel, pieršapačatkova źjavilisia ŭ paleścinskich ŚMI.
U vyniku izrailcianam udałosia zabić troch bajevikoŭ CHAMAS, jakija znachodzilisia ŭ hetym špitali. Adzin z zabitych, jak paviedamlaje CACHAŁ, — 27-hadovy Muchamad Džałamana, jaki byŭ na suviazi sa štab-kvateraj CHAMAS za miažoj i pieradavaŭ terarystam zbroju. Vajskoŭcy śćviardžajuć, što jon płanavaŭ ataku «najbližejšym časam».
Jašče dvoje — braty Muchamad i Basel Azavi. Pieršy ŭdzielničaŭ u napadach na izrailskija siły ŭ hetym rajonie, a druhi byŭ čalcom terarystyčnaj hrupoŭki «Isłamski džychad», havorycca ŭ zajavie CACHAŁ.
Pa danych paleścinskich ŚMI, jakija cytuje The Times of Israel, usia apieracyja zaniała nie bolš za dziesiać chvilin: kala 5:30 ranicy vajskoŭcy ŭvajšli ŭ balnicu, i, padniaŭšysia na treci pavierch, zastrelili bajevikoŭ sa zbroi z hłušycielami.
CACHAŁ adznačyŭ, što bajeviki CHAMAS rehularna chavajucca ŭ špitalach i vykarystoŭvajuć ich u jakaści bazy dla terarystyčnaj dziejnaści.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1313
Kamientary
Terarestyčny akt na Zapadnam Bierazie Iaradana jakoj praktykavali raniej masad i karacielnyja apieracyi cachała .Miarkuju hieta ni vypadkova bien hviry sprabujuć zarvać pieramovy ab vyzvaleńni " zakładnikau" i pieriemirii na hiety termin