U napadzie na Izrail udzielničała 190 supracoŭnikaŭ AAN — źlity dakumient raźviedki
Ahienctva Reuters atrymała dostup da zakrytaj spravazdačy raźviedki Izraila, dzie napisana pra ŭdzieł u napadzie CHAMAS na Izrail kala 200 supracoŭnikaŭ ahienctva AAN pa spravach paleścinskich biežancaŭ (UNRWA, ci BADAR). Zhodna z dakumientam, niekatoryja supracoŭniki byli niepasredna ŭ šerahach bajevikoŭ.
Jak skazana ŭ materyjałach aficyjnaha rasśledavańnia Izraila, zdabytych raźviedkaj, u poŭnamaštabnym napadzie na krainu 7 kastryčnika minułaha hoda ŭdzielničali jak minimum 190 supracoŭnikaŭ BADAR, častka ź jakich była niepasredna ŭ šerahach bajevikoŭ terarystyčnych hrupovak CHAMAS i Isłamskaha Džychada.
Zakryty dakumient byŭ pieradadzieny ahienctvu Reuters krynicaj na ŭmovach ananimnaści z adznakaj, što hetyja materyjały ŭžo byli pieradadzienyja ZŠA Izrailem i paŭpłyvali na rašeńnie cełaha šerahu krain Zachadu spynić finansavańnie BADAR.
U dakumiencie asobna paznačanyja 11 supracoŭnikaŭ BADAR, jakija źjaŭlajucca nastaŭnikami i sacyjalnymi rabotnikami. U spravazdačy jość ich fatahrafii.
- Adzin ź ich pracavaŭ u škole i dapamahaŭ synu ŭ vykradańni mirnaj žycharki padčas napadu na Izrail.
- Inšy supracoŭnik BADAR abvinavačvajecca ŭ pieravozcy trupa aficera izrailskaha vojska, a taksama kaardynacyi pieramiaščeńnia techniki bajevikoŭ i raźmierkavańnia pamiž imi zbroi.
- Jašče adzin byŭ zaŭvažany ŭ izrailskim pasieliščy (kibucy) Bieery, dzie byŭ zabity kožny dziasiaty mirny žychar.
Akramia hetaha, pavodle izrailskaj raźviedki, adzin z supracoŭnikaŭ BADAR udzielničaŭ u raźni na muzyčnym fiestyvali ŭ Reimie, dzie byli zabityja i zakatavanyja bolš za 360 čałaviek, pieradaje Reuters.
Nahadajem, što vyjaŭleńnie aficyjnym rasśledavańniem u Izraili faktaŭ udziełu supracoŭnikaŭ BADAR u napadzie na krainu vyklikała vialiki i surjozny skandał vakoł AAN.
Takija krainy, jak ZŠA, Kanada, Vialikabrytanija, Šviejcaryja, Francyja, Hiermanija, Italija, Finlandyja, Niderłandy, Japonija i Aŭstralija całkam spynili finansavańnie BADAR, što pahražaje arhanizacyi kałapsam.
U adkaz na vystaŭlenyja abvinavačvańni kiraŭnictva BADAR adrazu abviaściła, što razryvaje kantrakty z supracoŭnikami, jakija ŭdzielničali ŭ napadzie. Pry hetym jano adznačyła, što «šakavanaje masavym prypynieńniem finansavańnia ŭsioj arhanizacyi tolki z-za dziejańniaŭ niekatorych jaje členaŭ».
Na dumku BADAR, jaje finansavy bajkot moža pryvieści da niepapraŭnych achviar siarod paleścinskaha mirnaha nasielnictva va ŭmovach vajennaj apieracyi Izraila ŭ Hazie. Arhanizacyja zajaviła, što sprabuje zabiaśpiečyć humanitarnaj dapamohaj prykładna 1,7 miljonaŭ paleścincaŭ — amal try čverci nasielnictva ŭsioj Hazy.
Jak vyhladajuć tuneli CHAMASa — hłybinia da 50 mietraŭ, možna jeździć na aŭto FOTY
Jak minimum 185 čałaviek trapili pad pieraśled padčas masavaha rejdu siłavikoŭ na svajakoŭ palitviaźniaŭ — Viasna
«U kamiery latali nieviadomyja mnie nasiakomyja». Raskazvajem pra tajskija turmy, dzie siadziać rokiery z «Bi-2»
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie11
Kamientary