Dzieci Hary i Miehan źmianili škołu praź niekalki dzion paśla pačatku hoda. Pryčyna — intensiŭny darožny ruch
Dziaciej treba było vazić u škołu na niekalkich aŭtamabilach
Prync Hary i jaho žonka Miehan vyrašyli źmianić škołu dla svaich dziaciej u Vialikabrytanii ŭsiaho praź niekalki dzion paśla taho, jak tyja pačali vučycca. Pryčynaj stali aściarohi nakont biaśpieki, źviazanyja z darožnym rucham padčas pajezdak u škołu, piša Bi-bi-si.
U žniŭni hiercah i hiercahinia Saseksskija (heta ich ciapierašnija aficyjnyja tytuły) paviedamili, što viartajucca ŭ Vialikabrytaniju z ZŠA, dzie jany žyli apošnija hady. Jak paviedamlałasia, hetaje rašeńnie šmat u čym było źviazana z žadańniem muža i žonki dać svaim dzieciam brytanskuju adukacyju.
Adnak škołu, jakuju jany pieršapačatkova abrali dla siamihadovaha prynca Arčy i piacihadovaj pryncesy Lilibiet, daviałosia amal adrazu źmianić.
Jak stała viadoma, pryvatnaja achova Hary i Miehan była zaniepakojenaja tym, što adlehłaść i intensiŭny darožny ruch na pieršapačatkovym maršrucie pajezdki ŭ škołu ŭskładniali zabieśpiačeńnie biaśpieki.
Miarkujučy pa paviedamleńniach brytanskaj presy, dziaciej treba było vazić u škołu na niekalkich aŭtamabilach. A va ŭmovach hadziny pik, kali mnohija brytanskija baćki viazuć svaich dziaciej u škoły abo zabirajuć ich adtul, ruch kałonaj — nie samaje zručnaje rašeńnie.
Miarkujecca, što maršrut da škoły praviarali jašče da pačatku navučalnaha siemiestra, adnak z ulikam školnaha trafiku jaho pryznali niedastatkova biaśpiečnym.
Krynica, blizkaja da muža i žonki, paviedamiła: «Rašeńnie ab pieravodzie dziaciej u inšuju škołu było pryniata paśla abmierkavańnia praktyčnych aśpiektaŭ dziejnych mier biaśpieki z kamandaj, jakaja adkazvaje za biaśpieku siamji».
Jana dadała: «Baćki vielmi ŭdziačnyja ŭsim nastaŭnikam i supracoŭnikam za luboŭ, kłopat i namahańni, jakija jany prajavili ŭ adnosinach da ich siamji. Hetaje rašeńnie ni ŭ jakim razie nie varta interpretavać jak krytyku škoły abo toj vyklučnaj uvahi i kłopatu, jakimi tam byli akružanyja dzieci».
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1414
Kamientary
A prostyja brytancy pavinny jeści dajviersici łyžkaj, chvalujučysia kab žonku ci dziaciej nie źbili ci zhvałtavali pa darozie dadomu.