Biełstat nazvaŭ siaredni zarobak za 2023 hod. Da kruhłaj ličby nie chapiła zusim krychu
Siaredni realny zarobak u 2023 hodzie skłaŭ 1795,85 rubla da vypłaty padatkaŭ.
Pa siarednim kursie dalara za minuły hod (3,0012) — heta 598,4 dalara. Kali ž adminusavać padatki, to heta budzie 1544 rubli (abo 514,6 dalara).
Adnak bolš spraviadlivym źjaŭlajecca značeńnie miedyjannaha zarobku. U listapadzie jon skłaŭ 1499 rubloŭ 50 kapiejek «brudnymi». «Čystymi» miedyjanny zarobak składaje 1289,5 rubla.
Kali brać pa siarednim kursie dalara za druhoje paŭhodździe (3,1716), to «brudnymi» miedyjanny zarobak składzie 427,8 dalara, a «čystymi» — 406,5 dalara.
Miedyjanny zarobak nazyvajecca dva razy na hod. Miedyjanny zarobak — pakazčyk, jaki dzielić usie zarobki na dźvie roŭnyja častki: pałova rabotnikaŭ atrymlivajuć bolš za hetu sumu, a druhaja pałova mienš hetaha značeńnia. Takim čynam, miedyjanny zarobak lepš adlustroŭvaje situacyju z zarobkam, čym ličby siaredniaha zarobku.
Kamientary