Brytanskaja raźviedka nazvała, kolki vahnieraŭcaŭ zastałosia ŭ Biełarusi
U ahladzie Ministerstva abarony Vialikabrytanii pišacca, što ŭ Biełarusi ciapier znachodzicca najchutčej mienš za tysiaču vahnieraŭcaŭ, choć paśla žniŭnia 2023 hoda ich było 8000.
Analityki miarkujuć, što Łukašenka naŭrad ci zachoča pašyryć vykarystańnie vahnieraŭcaŭ, naprykład, u ramkach dziejańniaŭ siłavych struktur unutry krainy abo dla achovy miažy.
Raniej paviedamlałasia, što bajeviki «Vahniera» vystupajuć instruktarami dla biełaruskich siłavikoŭ. Namieśnik ministra ŭnutranych spraŭ i kamandujučy ŭnutranymi vojskami Mikałaj Karpiankoŭ zajaŭlaŭ taksama, što ŭnutranyja vojski Biełarusi buduć prachodzić bajavoje zładžvańnie z bajevikami PVK «Vahnier» dla viadzieńnia sumiesnych bajavych dziejańniaŭ.
Miarkujecca, što vahnieraŭcy mahli ŭvajści ŭ skład atrada śpiecyjalnaha pryznačeńnia «Tarnada».
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary