FBK: Zały dla raźvitańnia z Navalnym 1 sakavika nie budzie, bo ŭsie placoŭki admaŭlajucca zaklučać damovu
Spačatku chacieli pachavać 29 lutaha, ale na hety dzień nie akazałasia nivodnaha čałavieka, chto b vykapaŭ mahiłu.
Dyrektar Fondu baraćby z karupcyjaj (FBK) Ivan Ždanaŭ raskazaŭ, što zały dla raźvitańnia z Alaksiejem nie budzie, bo nie znajšłosia nivodnaj placoŭki, jakaja zaklučyła b damovu sa svajakami, piša «Nastojaŝieje vriemia».
«Zaklučeńnia damovy na zału nie adbyłosia. I jak i ŭ Salechardzie, znoŭ vyłučyli ŭmovu «cichaje siamiejnaje pachavańnie z raźvitańniem na Chavanskich mohiłkach». Adzin u adzin, jak šantažavali mamu, kali nie vydavali cieła Alaksieja. Prapanovu z Chavanskim krematoryjem prynios asabista Alaksiej Alaksiejevič. Vieniedyktaŭ. Nu kab vy dakładna razumieli, chto ŭ Kramla i Sabianina na pasyłkach. Uvohule, zały nie budzie. Svołačy. Datu nie dajuć. Zału nie dajuć. Usio roŭna ŭsie raźvitajucca z Alaksiejem», — napisaŭ Ždanaŭ.
Jon zaznačyŭ, što pieršapačatkova kamanda palityka płanavała pravieści pachavańnie i raźvitańnie z Navalnym 29 lutaha, ale «chutka vyśvietliłasia, što da 29 lutaha niama nivodnaha čałavieka, chto moh by vykapać mahiłu». «Realnaja pryčyna zrazumiełaja. U Kramli razumiejuć, što Pucin sa svaim pasłańniem nachren nikomu nie budzie patrebny ŭ dzień raźvitańnia z Alaksiejem», — vykazaŭsia Ždanaŭ.
Raniej siońnia pres-sakratar Alaksieja Navalnaha Kira Jarmyš paviedamiła, što pachavańnie palityka projdzie na Barysaŭskich mohiłkach 1 sakavika.
Alaksieja Navalnaha pachavajuć 1 sakavika
Navalny viedaŭ pra padrychtoŭku abmienu i daŭ zhodu na jaho — Reuters
Palicyja ŭ Maskvie prychodzić dadomu da ŭdzielnikaŭ akcyj pamiaci Navalnaha i zatrymlivaje ich
«Hułahu niet» zajaŭlaje, što maje źviestki pra katavańni Navalnaha pierad śmierciu
Cieła Navalnaha ŭsio ž addali maci
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury4
Kamientary