Palicyja ŭ Maskvie prychodzić dadomu da ŭdzielnikaŭ akcyj pamiaci Navalnaha i zatrymlivaje ich
Składajuć pratakoły za ŭskładańnie kvietak.
Maskvič Arciom Husielnikaŭ paviedamiŭ siońnia pravaabarončamu prajektu «AUS-Infa», što jaho zatrymali na vychadzie z domu i pavieźli ŭ adździeł palicyi — z-za taho, što jon uskłaŭ kvietki ŭ pamiać ab Navalnym 17 lutaha. Pa słovach Husielnikava, jaho zatrymali i padčas samoj akcyi 17 lutaha, adnak adpuścili z papiaredžańniem. Pryčynu novaha zatrymańnia siłaviki nie nazvali, piša «Mieduza».
Pra svajo zatrymańnie «AVD-Infa» raspavioŭ jašče adzin žychar Maskvy — Michaił Hradaŭ. 17 lutaha jaho zatrymali kala «Ściany smutku», ale adpuścili ź pieraściarohaj. 23 lutaha siłaviki pryjšli da jaho i ŭručyli jašče adno papiaredžańnie. Siońnia jaho zabrali z domu ŭ adździaleńnie palicyi. Pa słovach Hradava, na jaho buduć składać pratakoł z-za ŭskładańnia kvietak.
Uviečary 26 lutaha, piša «Miedyjazona», palicyjanty pryjšli dadomu da siabra Libiertaryjanskaj partyi Rasii Uładzisłava Mazura. U partyi raskazali, što Mazuru pakazali zapis z kamier videanazirańnia kala miemaryjała palityčnym źniavolenym. Palicyjanty pavieźli jaho ŭ AUS pa rajonie Paŭnočnaje Izmajłava.
U palicyi na jaho skłali pratakoł ab parušeńni praviłaŭ udziełu ŭ mitynhach, paśla čaho adpuścili. 17 lutaha jaho taksama zatrymlivali la «Ściany smutku» i vydali papiaredžańnie.
Pachavańnie Navalnaha ŭłady vyrašyli pravieści ŭ adzin dzień sa zvarotam Pucina
Za dzień da zabojstva Navalnaha jaho damovilisia abmianiać
Cieła Navalnaha ŭsio ž addali maci
Julija Navalnaja: Za vajnu va Ukrainie Pucinu treba budzie adkazać
Žycharcy Čalabinska, jakaja pryniesła kvietki da pomnika achviaram palityčnych represij, u palicyi ŭručyli partret Bieryi z «zapavietam»
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary