U Brasłaŭskim rajonie paśla pierarehistracyi zastałosia 5 ahrasiadzib z 300
U Dubrovienskim i Tałačynskim rajonach — nivodnaj.
Paśla abaviazkovaj pierarehistracyi ahrasiadzib u Brasłaŭskim rajonie zastałosia 5 ahrasiadzib z 300, a ŭ Dubrovienskim i Tałačynskim rajonach — nivodnaj. Pra heta zajaviła Volha Fiodarava, hałoŭny śpiecyjalist siektara turyzmu i fizkulturna-azdaraŭlenčaj raboty ŭpraŭleńnia sportu i turyzmu Viciebskaha abłvykankama ŭ prajekcie BiełTA, piša Reform.by.
Fiodarava adznačyła, što asnoŭnyja pretenzii da ŭładalnikaŭ ahrasiadzib zaklučalisia ŭ tym, što ich dziejnaść pieratvaryłasia ŭ zdaču žylla ŭ najom.
«U Viciebskaj vobłaści było vielmi šmat ahraekasiadzib. Asnoŭnaja masa prychodziłasia na Brasłaŭski rajon — tam było 300 ahraekasiadzib, a pry pierarehistracyi zastałosia tolki piać. Dalej my ich nie kantralujem», — zajaviła čynoŭnica.
Dla pierarehistracyi siadziby naviedvała śpiecyjalnaja kamisija, jakaja fiksavała parušeńni zakanadaŭstva.
«U kahości byli pytańni pa hihijenie, bo vyznačany šerah novych patrabavańniaŭ. Navat kali ŭ ich ustanoŭlena manhalnaja zona, to pa novych patrabavańniach pavinna być abaviazkova i pratočnaja vada, a raniej takaja dziejnaść mahła ažyćciaŭlacca ŭ domie, na chutary, i ich nie praviarali», — skazała Fiodarava.
Pradstaŭnica abłvykankama nie ličyć źmianšeńnie kolkaści ahrasiadzib prablemaj.
«I heta vialiki plus, što ŭ nas zastalisia najlepšyja z najlepšych siadzib, jakija pracujuć pa vuzkaj śpiecyjalizacyi», — zajaviła Fiodarava.
Zaraz u Viciebskaj vobłaści zarehistravana 162 ahraekasiadziby. Bolš za ŭsio ich zastałosia ŭ Hłybockim rajonie — 32. U Dubrovienskim i Tałačynskim rajonach niama nivodnaj siadziby.
Na pačatak 2023 hoda ŭ Biełarusi naličvałasia 3043 ahrasiadziby. Pa danych na śniežań 2023 hoda, pierarehistracyju prajšli 1297. Taksama było zarehistravana 170 novych ahrasiadzib.
Bolš za pałovu biełaruskich ahrasiadzib nie prajšli pierarehistracyju
U biełaruskaj ahrasiadzibie prapanujuć kupańnie ŭ hlintviejnie
Zatrymanuju padčas «chapunu» na ahrasiadzibie «Stuły» zvolnili z pracy
«Nie chapiła majho žyćcia, kab niešta samavitaje zrabić». Fiermier raskazaŭ, ci možna ŭ Biełarusi razbahacieć, hadujučy aviečak
«Liču siabie samym ščaślivym čałaviekam na ziamli». Jak žyvie žančyna pasiarod bałota
Ciapier čytajuć
Łatuška abviarhaje abvinavačańni ŭ charasmencie ad delehatki KR Karpušonak80
Łatuška abviarhaje abvinavačańni ŭ charasmencie ad delehatki KR Karpušonak
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary