Zatrymanuju padčas «chapunu» na ahrasiadzibie «Stuły» zvolnili z pracy
Jak stała viadoma pravaabaroncam «Viasny», 10 žniŭnia vykanaŭca abaviazkaŭ dyrektara Kobrynskaha dziaržaŭnaha kaledža śfiery absłuhoŭvańnia ŭ vusnaj formie paviedamiła majstrycy vytvorčaha navučańnia Viery Andrajuk, jakaja ź pierapynkam adpracavała va ŭstanovie adukacyi 8 hadoŭ, što kantrakt ź joju nie budzie praciahnuty.
Pryčyna takoha rašeńnia nie była nazvana, ale z asabistych krynic pravaabaroncam stała viadoma, što kiraŭnictva ŭstanovy adukacyi było vymušana pajści na skasavańnie kantraktu pa telefonnym zahadzie z orhanu miascovaj ułady.
Heta moža być źviazana z zatrymańniem žančyny padčas «chapunu» ŭ ahrasiadzibie «Stuły», što mieścicca na ŭskrajku Biełaviežskaj puščy ŭ Pružanskim rajonie Bresckaj vobłaści. Tady ŭ vychodny dzień razam ź inšymi naviedvalnikami siamja Andrajuk pryjechała ŭ «Stuły», kab pahladzieć śpiektakl biełaruskaha narodnaha teatra lalek «Batlejka».
Ale zamiest pryjemnaha adpačynku na pryrodzie ludzi atrymali vialiki stres praz rejd siłavikoŭ na ahrasiadzibu. Śviedkaj stała i siamihadovaja dačka Viery Andrajuk, jakaja atrymała vialikuju psichałahičnuju traŭmu ad «chapunu», zładžanaha AMAPam.
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary