Hramadstva22

Apielacyjny sud Armienii pryznaŭ zakonnym aryšt biełarusa, zatrymanaha na zapyt Biełarusi za ŭchileńnie ad słužby ŭ armii

Abarona Jarasłava Novikava płanuje źviarnucca ŭ Jeŭrapiejski sud u pravach čałavieka pa «chutkuju jurydyčnuju dapamohu» pavodle 39 praviła rehłamientu suda.

Hienieralnaja prakuratara Armienii atrymała ź Miensku dakumienty, pavodle jakich siłavyja orhany Biełarusi patrabujuć vydačy zatrymanaha ŭ lutym u Armienii biełarusa Jarasłava Novikava.

Jak paviedamiŭ Radyjo Svaboda juryst Chielsinskaj asacyjacyi ŭ Armienii Araik Papikian, jaki pradstaŭlaje intaresy Jarasłava Novikava, nasamreč byŭ tolki list z prośbaj vydać jahonaha padabaronnaha.

«7 sakavika sud razhledzieŭ novaje chadajnictva prakurora ab aryšcie Jarasłava z metaj vydačy i zadavoliŭ jaho. Ciapier pa abskardžańnie hetaha rašeńnia my źviarnulisia ŭ apielacyjny sud», — paviedamiŭ Araik Papikian.

Pavodle jaho słoŭ, raniej apielacyjny sud pryznaŭ zakonnym rašeńnie suda pieršaj instancyi ad 4 lutaha, pavodle jakoha Jarasłava Novikava ŭziali pad vartu na 40 dzion.

Na pytańnie, ci aznačaje, što paśla takoha rašeńnia suda Armienija moža vydać Jarasłava Novikava ŭ Biełaruś, Araik Papikian adkazaŭ: «Farmalna, tak. Ale prakuror Armienii jašče nie ŭchvaliŭ rašeńnie ab vydačy, jakoje taksama musić razhladać sud. Da taho ž, my majem mahčymaść źviarnucca ŭ Jeŭrapiejski sud u pravach čałavieka pa 39 artykule (časovaja miera, pavodle jakoj JESPČ moža zabaranić vydaču. — RS). Ja ŭpeŭnieny, što my majem usie pravavyja mahčymaści, kab Jarasłava nie vydali».

Advakat taksama paviedamiŭ, što 19 sakavika adbudziecca surazmova Jarasłava Novikava z supracoŭnikami mihracyjnaj słužby pavodle jahonaj zajavy pa prytułak. «Mihracyjnaja słužba atrymała list padtrymki ad Misii demakratyčnaj Biełarusi ŭ Brusieli», — dadaŭ Araik Papikian.

Što papiaredničała

Hramadzianina Biełarusi Jarasłava Novikava zatrymali 2 lutaha ŭ Armienii pry pierasiačeńni miažy z Hruzijaj, kali vyśvietliłasia, što ŭłady Biełarusi abviaścili jaho ŭ miždziaržaŭny vyšuk SND praz abvinavačańnie va ŭchileńni ad słužby ŭ vojsku. Raniej jamu praciahnuli termin utrymańnia pad vartaj.

Jarasłaŭ Novikaŭ płanavaŭ pierajechać z Hruzii ŭ Bałharyju, ale nie atrymaŭ vizy. Jamu paraili atrymać nieabchodnuju vizu na radzimie, ale Novikaŭ tudy nie pajechaŭ praz ryzyku być aryštavanym. Zamiest hetaha jon adpraviŭsia ŭ susiedniuju Armieniju, kab padacca na vizu tam.

Sud Armienii 4 lutaha ŭziaŭ Jarasłava Novikava pad vartu na 40 dzion dla dalejšaj pieradačy ŭładam Biełarusi paśla atrymańnia adpaviednych dakumientaŭ ź Mienska.

U časie znachodžańnia ŭ izalatary biełarus padaŭ zajavu ŭ mihracyjnuju słužbu Armienii pa atrymańnie statusu ŭciekača i palityčnaha prytułku.

Kamientary2

  • Xrenova
    14.03.2024
    Usie navokał va ŭsim upeŭnienyja, ale prakoly jduć čaradoju.
  • Žvir
    14.03.2024
    Nia chočuć chlopcy služyć u hetym vojsku.

Ciapier čytajuć

Raman Pratasievič bolš nie zvarščyk

Raman Pratasievič bolš nie zvarščyk

Usie naviny →
Usie naviny

Byłuju biełaruskuju žurnalistku z prytułkam u Čechii abvinavacili ŭ pracy na rasijskuju raźviedku18

U Irkuckaj vobłaści raźbiŭsia rasijski vajskovy samalot2

U Słavienii pieršy biełarus atrymaŭ pašpart inšaziemca

Stała viadoma pra maštabny rejd KDB naprykancy sakavika7

Iłan Mask u najbližejšyja tydni moža spynić vykanańnie abaviazkaŭ u administracyi Trampa1

«Jany kryvadušniki prosta». Biełaruski nacyjanalist vykazaŭsia pra «pravy razvarot», Trampa, prarasijskaść i mihrantaŭ nie ź Biełarusi30

Stała viadoma, kali narešcie źjavicca žyćcio ŭ HC Avia Mall u Minsku1

U maršrutcy ź Minska na Zasłaŭje chacieli admianić siem prypynkaŭ, ale ludzi ich adstajali

Urad skaraciŭ pieralik tavaraŭ, jakija padlahajuć cenavamu rehulavańniu1

bolš čytanych navin
bolš łajkanych navin

Raman Pratasievič bolš nie zvarščyk

Raman Pratasievič bolš nie zvarščyk

Hałoŭnaje
Usie naviny →

Zaŭvaha:

 

 

 

 

Zakryć Paviedamić