Śpiecvytvorčaść zaviedziena ŭ dačynieńni da Ludmiły Barejki. Joj staviać u vinu artykuł 188 Kryminalnaha kodeksa Biełarusi (paklop).
62-hadovaja Ludmiła Barejka prydumała łozunh «Stop tarakan», jaki pajšoŭ u masy, staŭšy miemam.
U sakaviku 2020 hoda Ludmiła dała intervju Siarhieju Cichanoŭskamu, jaki zavitaŭ tady ŭ Hłybokaje. Heta videa na kanale «Kraina dla žyćcia» pahladzieli amal 1,6 młn čałaviek.
Paźniej jana praviała troje sutak u IČU za ŭdzieł u mirnych akcyjach pratestu ŭ rajcentry. Taksama nieviadomyja źbili jaje syna — 17-hadovaha Kiryła Barejku. Junak trapiŭ tady ŭ špital z strasieńniem mozhu. Ludmiła skazała, što jaje syna źbili ŭ jakaści «pomsty za jaje aktyŭnuju hramadzianskuju pazicyju».
«Spačatku zabrali mianie ŭ izalatar, a potym napali na dzicia», — raspaviadaje jana.
U mai 2020 hoda za heta intervju žančyna atrymała štraf 270 rubloŭ — za parušeńnie č.1 art.23.34 KaAP. Z punktu hledžańnia milicyi, jana ažyćciaviła «pikietavańnie šlacham publičnaha vykazvańnia svaich hramadska-palityčnych intaresaŭ i asabistaha staŭleńnia da dziejučaj ułady ŭ režymie anłajn na YouTube-kanale «Kraina dla žyćcia» biez adpaviednaha dazvołu Hłybockaha rajonnaha vykanaŭčaha kamiteta» (z zapisu ŭ pratakole).
Žančynu z Hłybokaha, jakaja prydumała łozunh «Stop tarakan», troje sutak trymali ŭ IČU, a jaje syna źbili nieviadomyja
Zavočna buduć sudzić haradziencaŭ Uładzimira Chilmanoviča i Siarhieja Vieramiejenku
Zavočna buduć sudzić aktyvistku z Salihorska Iłonu Rudzieniu
Suprać byłoj kiraŭnicy haradzienskaha dziciačaha chośpisa Volhi Vialički raspačali śpiecvytvorčaść
Zavočna biarucca sudzić Leanida Sudalenku i Juryja Ščučko
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary