Usia Turcyja abmiarkoŭvaje spravu kata Erasa, jakoha zabiŭ miascovy žychar. U spravu ŭmiašaŭsia navat Erdahan
Erasa zabili 1 studzienia: u adnym z žyłych kompleksaŭ Stambuła mužčyna zapinaŭ kata nahami kala lifta. Miascovyja lubili kata, ličyli jaho ahulnym i zaŭsiody padkormlivali. Kali ludzi znajšli trup žyvioły, jany prahledzieli kamiery videanazirańnia i vyličyli zabojcu — im apynuŭsia ich susied Ibrahim Kiełahłan. Žudasnaje videa raźlaciełasia pa internecie, zoaabaroncy patrabavali pakarać žyvadziora, i Kiełahłana zatrymali, raspaviadaje «Baza».
Na sudzie jon skazaŭ, što prosta byŭ u stanie stresu. Jaho advakat zajaviła, što kot byŭ biazdomny, nie zjaŭlaŭsia ničyjoj majomaściu, nu i tamu škoda nikomu nie była pryniesienaja.
Spačatku Kiełahłana prysudzili da 1,5 hadoŭ turemnaha źniavoleńnia, choć prakuror patrabavaŭ da šaści hadoŭ. Ale «za dobryja pavodziny» termin zamianili na ŭmoŭny — i tut pačaŭsia sapraŭdny bunt.
Žychary ŽK nie pahadzilisia ź vierdyktam, havaryli, što nie buduć žyć pobač z žyvadzioram, kala budynka suda zładzili pratest. Mitynh prajšoŭ i la padjezda Kiełahłana. Amal usia kraina abmiarkoŭvała spravu Erasa.
Była stvorana pietycyja z patrabavańniem ab turemnym źniavoleńni zabojcy žyvioły, jakaja nabrała bolš za 250 tysiač podpisaŭ.
Navat Redžep Erdahan u razmovie ź ministram justycyi zadavaŭ pytańnie: «Jak takoje naohuł mahčyma?»
Prysud pierahledzieli. Kiełahłan atrymaŭ 2,5 hady pazbaŭleńnia voli — rekordny termin za žorstkaje staŭleńnie da žyvioł u Turcyi.
Mužčyna zajaviŭ, što zabiŭ kata z-za raptoŭnaha prystupu ahresii i što hetaja pamyłka razburyła jaho žyćcio.
Lebiedziu, jakomu adstrelili łapy, biełarusy zrabili pratezy na 3D-pryntary. Ptuška vučycca chadzić
U rasijskim Kiravie biessardečnaja pravadnica vykinuła kata ź ciahnika na 30-hradusny maroz. Žyvioła zahinuła
U biełaruskaj elektryčcy znajšli ničyjnaha sabaku. I što dalej? Spojler: rasijskamu katu Tviksu pašancavała mienš
U Sule adznačyli Kupalle. Haściej było stolki, što na darohach utvarylisia zatory6
Kamientary