Pieršaje pasiadžeńnie «Usiebiełaruskaha narodnaha schodu» zapłanavali na kaniec krasavika
Siońnia prajšła narada, pryśviečanaja UNS.
Pieršaje pasiadžeńnie VII «Usiebiełaruskaha narodnaha schodu» adbudziecca 24-25 krasavika. Pra heta paviedamiŭ žurnalistam premjer-ministr, staršynia arhkamiteta pa jaho padrychtoŭcy Raman Hałoŭčanka. Padrychtoŭka da praviadzieńnia pieršaha pasiadžeńnia i stała siońnia temaj narady ŭ Alaksandra Łukašenki, piša BiełTA.
U liku ŭdzielnikaŭ narady — kiraŭnictva Administracyi, staršynia Savieta Respubliki, kiraŭnik spraŭ načalnik Sakrataryjata UNS.
Łukašenka, u pryvatnaści, zahadaŭ pravieści jaho na samym vysokim uzroŭni. U prykład pryvioŭ uzrovień arhanizacyi prezidenckich vybaraŭ u Rasii.
«Jašče raz paŭtaru, što heta i ŭračysta pavinna być, i, samaje hałoŭnaje, źmiastoŭna. Kab było, jak vybary ŭ Rasii, — kamar nosa nie padtačyŭ. Kab nas potym nie paprakali. Usio ciapier skancentravana palityčna na nas. U Rasii burnych padziej nie miarkujecca, vakoł taksama. Zastałosia ŭ nas praviadzieńnie Usiebiełaruskaha narodnaha schodu», — skazaŭ jon, tradycyjna zaznačyŭšy pra «prošuki vorahaŭ» i «padstupstva Zachadu».
«Staŭki asobnych našych źbiehłych i Zachadu na toje, kab pastaracca jak maha bolš prynieści dezarhanizacyju i razvał padčas pasiadžeńnia i pryniaćcia rašeńnia, — my takoha padarunka im padnieści nie pavinny», — zajaviŭ Alaksandr Łukašenka.
Pačałasia kampanija pa «vybarach» u Saviet Respubliki i «Usiebiełaruski narodny schod»
Načalnikam Sakrataryjata Usiebiełaruskaha narodnaha schodu pryznačyli eks-sudździu
Abnoŭlenyja Kancepcyju nacbiaśpieki i Vajennuju daktrynu Biełarusi vyniesuć na zaćviardžeńnie UNS
Nie baču nijakich prykmietaŭ tranzitu ŭłady ad Łukašenki da kahości inšaha — palitołah Kazakievič
Kamientary
Mierkurij stacionarnyj.