Načalnikam Sakrataryjata Usiebiełaruskaha narodnaha schodu pryznačyli eks-sudździu
Łukašenka znajšoŭ pracu namieśniku staršyni Pałaty pradstaŭnikoŭ Valeryju Mickieviču, jaki nie budzie bałatavacca ŭ novy skład nižniaj pałaty. Jamu prydumali novuju pasadu — načalnik Sakrataryjata «Usiebiełaruskaha narodnaha schodu».
Łukašenka čarhovy raz nahnaŭ tumanu na budučyniu.
«Ja pryciahvaju ŭsich daśviedčanych ludziej, kab u hety składany pieryjad nam dzieści nie ździejśnić pamyłki. Napeŭna, sam adčuvaješ, što idzie takaja pierabudova, pierturbacyja orhanaŭ ułady ŭ suviazi z nadańniem Usiebiełaruskamu narodnamu schodu kanstytucyjnych paŭnamoctvaŭ — stanovicca kanstytucyjnym orhanam. I, viadoma, treba hetyja hady (hod-dva, moža, try) sa źjaŭleńniem UNS i peŭnych surjoznych uładnych kanstytucyjnych paŭnamoctvaŭ, nam by ŭ hety čas nie stvaryć niejki chaos va ŭładzie. Tamu što sam viedaješ, chaos va ŭładzie — imhnienna pieranosicca heta ŭ hramadstva», — skazaŭ jon.
Da pracy ŭ Pałacie pradstaŭnikoŭ Valeryj Mickievič byŭ namieśnikam ministra justycyi, zatym na praciahu dziesiaci hadoŭ namieśnikam kiraŭnikoŭ administracyi Łukašenki.
Ale pierad tym, jak pryjści ŭ Miniust, byŭ sudździoj narodnaha suda Minskaha rajona i horada Zasłaŭja, zatym staršynioj suda Minskaha rajona i horada Zasłaŭja.
Čakajecca, što skład UNS budzie sfarmiravany ŭ krasaviku.
Cichanoŭski raskazaŭ, što treba było rabić u žniŭni 2020-ha62
Kamientary
Łukašenka baicca, što kali pachnie smažanym, čynušy jamu zdradziać? Abaviazkova zdradziać, i sami ž trybunał chutka zładziać, i śviedčańni ŭ im daduć, i zrobiać ŭsio, kab padsudny chutčej zamaŭčaŭ. Jak heta adbyłosia z Čaŭšesku.