Piaskova spytali nakont katavańniaŭ zatrymanych za terakt u «Krokusie»
U čas bryfinhu śpikiera Kramla Dźmitryja Piaskova paprasili prakamientavać traŭmy, ź jakimi padazravanych u terakcie dastavili ŭ sud.
Piaskoŭ admoviŭsia kamientavać katavańni.
«Ja pakidaju hetaje pytańnie biez adkazu», — skazaŭ jon.
Taksama pres-sakratar Pucina zajaviŭ, što ŭ Kramli nie ŭdzielničajuć u dyskusii ab viartańni śmiarotnaha pakarańnia ŭ Rasii.
Zatoje były prezident Rasii Dźmitryj Miadźviedzieŭ vykazaŭsia bolš adkryta.
«Mianie pytajuć usie. Što rabić? Ich złavili. Małajcy ŭsie, chto łaviŭ.
Ich treba zabić? Treba. I heta budzie. Ale značna važniej zabić usich datyčnych. Usich. Chto płaciŭ, chto spačuvaŭ, chto dapamahaŭ. Zabić ich usich», — zajaviŭ namieśnik staršyni Rady biaśpieki RF Dźmitryj Miadźviedzieŭ.
FSB paviedamiła pra zatrymańnie padazravanych u Branskaj vobłaści ŭ subotu, 23 sakavika: śćviardžajecca, što jany nakiroŭvalisia na mašynie ŭ bok rasijska-ŭkrainskaj miažy.
Paśla hetaha ŭ Z-kanałach zjavilisia fota i videa, na jakich zatrymanych katavali ŭ čas dopytu.
Adnamu ź ich padviali elektryčny tok da hienitalij. Inšamu adrezali i zasunuli vucha ŭ rot. Treciamu vybili voka. Na sud jaho pryvieźli ŭ kreśle-katałcy. Na fota z zały suda vidać, što padsudnyja mocna źbityja.
Čytajcie taksama:
Što viadoma pra achoŭnika-biełarusa Vadzima Kulika, jaki źnik bieź viestak ŭ «Krokusie»
«Jon u štučnaj komie». Baćka biełaruskaha achoŭnika z «Krokusa» pra stan syna
U «Krokusie» raspaviali, jak biełarusy-achoŭniki hieraična ratavali ludziej
Adzin z zatrymanych za terakt byŭ u «Krokusie» jašče 7 sakavika
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary