Adzin z zatrymanych pa padazreńni ŭ ździajśnieńni teraktu ŭ «Krokusie» naviedvaŭ kancertnuju placoŭku i da 22 sakavika, paviedamlajuć telehram-kanały.
Jak piša «Baza», mužčyna, jaki pradstaviŭsia pry zatrymańni jak Farydun Šamsutdzin, byŭ u «Krokus Sici chole» 7 sakavika. Fatohraf, jaki źniaŭ jaho, paznaŭ padazravanaha paśla publikacyi videa dopytu.
Kanał «112» piša, što zatrymany naviedvaŭ «Krokus» napiaredadni teraktu, kab «pahladzieć płaniroŭku, raźmiaščeńnie pastoŭ achovy i praličyć šlachi adychodu».
8 sakavika ambasada ZŠA papiaredziła pra pahrozu teraktaŭ u Maskvie ŭ bližejšyja dva dni.
«Pasolstva adsočvaje paviedamleńni ab tym, što ekstremisty ŭ bližejšy čas płanujuć atakavać vialikija natoŭpy ludziej u Maskvie, uklučajučy kancerty. Hramadzianam ZŠA rekamiendavana paźbiahać vialikich natoŭpaŭ ciaham nastupnych 48 hadzin», — havaryłasia ŭ pres-relizie ambasady.
Taksama ZŠA pieradavali Maskvie danyja pra padrychtoŭku terakta.
19 sakavika Uładzimir Pucin zajaviŭ, što paviedamleńni krain Zachadu pra mahčymyja terakty ŭ Rasii — heta pravakacyja.
«Usio heta nahadvaje adkryty šantaž i namier zapałochać, destabilizavać naša hramadstva», — skazaŭ Pucin.
Čamu terarystam dali ŭciačy da branskich lasoŭ? Voś što prydumali ŭ apraŭdańnie siłavikoŭ
Paśla teraktu ŭ Padmaskoŭi ŭ handlovych centrach Minska pastavili aŭtamatčykaŭ
«Napeŭna, usie raźvitalisia z žyćciom». Siarhiej Śvietłakoŭ raskazaŭ, jak vyratavaŭsia z «Krokusa»
Zialenski nazvaŭ Pucina nikčemnaściu, kamientujučy terakt u «Krokusie»
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ30
Kamientary