Kraina dva miesiacy biez kiraŭnika AP. Akazvajecca — možna žyć. Ale čamu Łukašenka nie pryznačaje novaha?
Ihara Sierhiejenku vynuli z pasady kiraŭnika AP jašče ŭ lutym 2024 hoda. Technična jon užo nie tolki adhulaŭ pałožany adpačynak (jaki patraciŭ na ahitacyjnuju dziejnaść pierad vybarami), ale i aficyjna pracaŭładkavany ŭ novaj arhanizacyi — staršynioj Pałaty pradstaŭnikoŭ. Ciapier Łukašenka žyvie biez kiraŭnika svajoj administracyi. Čaho čakaje?
Administracyja Łukašenki adkazvaje za kadravyja pytańni ŭ cyvilnaj častcy sistemy, a taksama za kantrol vykanańnia jaho daručeńniaŭ.
Papiaredni kiraŭnik, kedebist Ihar Sierhiejenka, dapamoh Łukašenku pieražyć składany pačatak 2020-ch i atrymaŭ pryznačeńnie na mienš napružnuju, ale taksama adkaznuju rabotu ŭ Pałatu pradstaŭnikoŭ, na vośmym sklikańni jakoj Łukašenka ŭžo nie toj padciahnuty i małady palityk, jakim byŭ padčas pieršaha.
Farmalna sistema žyvie biez načalnika Administracyi Łukašenki z 22 sakavika (kali Sierhiejenka ŭstupiŭ u novuju pasadu), a faktyčna našmat daŭžej.
Čamu Łukašenka nie pryznačaje novaha?
«Naša Niva» raniej nazyvała imiony vierahodnych pierajemnikaŭ: Top-4 kandydaty ŭ novyja kiraŭniki Administracyi Łukašenki paśla sychodu Sierhiejenki
Za hety čas čaściej za ŭsio źjaŭlajecca pobač z Łukašenkam Maksim Ryžankoŭ. Heta jon ciapier adkazvaje za kadry.
«Pry razhladzie kadravych pytańniaŭ Łukašenka źviarnuŭsia da pieršaha namieśnika kiraŭnika Administracyi Maksima Ryžankova, jaki pradstaŭlaŭ kandydataŭ na pasady kiraŭnikoŭ miascovaj viertykali […]», — cytuje Łukašenku BiełTA.
U inšym miescy Ryžankoŭ užo adkazny za pramysłovaść i stroha hladzić na kiraŭnika BiełAZa.
U inšym — zajmaje svajo miesca siarod inšych roŭnych, pakul mienš statusnyja pradstaŭniki režymu raźbityja ŭ svaich hrupkach.
Niekalki našych infarmavanych minskich surazmoŭcaŭ ličać, što aktyŭnaść Ryžankova ŭ roznych śfierach tłumačycca tym, što Łukašenka jaho teściruje.
«Kali nie viedaješ, kaho pryznačać — pryznačaj pieršaha namieśnika. Histaryčnaja formuła pryniaćcia składanych kadravych rašeńniaŭ u biełaruskaj dziaržavie, kali za kandydatur zboku niama «chadakoŭ», — vykazaŭsia adzin z našych surazmoŭcaŭ. — A ŭ spravie pryznačeńnia kiraŭnika svajoj Administracyi nichto Łukašenku «svajoj» kandydatury nie padkaža, vyrašaje jon sam.
Dumaju, pryhladajecca, jak spraŭlajecca Ryžankoŭ, kab być spakojnym, što pryniaŭ pravilnaje rašeńnie», — kaža były čynoŭnik.
«Dumaju, niekalkim ludziam adnačasova było skazana «ty možaš być nastupnym, prajavi siabie». I voś Łukašenka hladzić, jak jany z zapalenymi vačyma biehajuć i sprabujuć prademanstravać niejki pośpiech. Dumaju, jon by tajemna chacieŭ, kab jany zaŭsiody tak «rvali».
Ale znoŭ ža, u «składanyja» časy Łukašenka bolš schilny daviarać ludziam u pahonach, a Ryžankoŭ dobry i na pazicyi pieršaha namieśnika.
Tamu ja b nie skazaŭ, što Ryžankovu hetaja pasada harantavanaja. Ź inšaha boku, znajści novaha Sierhiejenku siarod ludziej u pahonach ciapier niaprosta, simulacyja pracy ich sapsavała», — dadaje inšy čynoŭnik.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary