Karol Karł prybyŭ u Vindzarski zamak na Vielikodnuju niadzielnuju słužbu. Heta jaho pieršy publičny vychad na mierapryjemstva paśla taho, jak u jaho dyjahnastavali rak. Prync i pryncesa Uelskija nie pryjeduć u hetym hodzie na śviata praź lačeńnie raku ŭ Kiejt.
«Heta horki Vialikdzień dla karaleŭskaj siamji ŭ hetym hodzie», piša Mirror.
Niahledziačy na toje, što karol Karł zahadzia paćvierdziŭ, što jon i karaleva Kamiła buduć prysutničać na štohadovaj carkoŭnaj słužbie ŭ Vindzary, jaho zjaŭleńnie ŭ značnaj stupieni zastajecca vyklučeńniem z praviłaŭ, pakolki jon zastajecca ŭ baku ad bolšaści publičnych abaviazkaŭ praź lačeńnie raku.
Na ŭračystaj słužbie siońnia adsutničajuć prync Uiljam i pryncesa Kiejt, jak i ich troje dziaciej.
Karol, apranuty ŭ ciomnaje palito i sini halštuk, uśmichaŭsia i machaŭ prysutnym kala kaplicy Śviatoha Hieorhija.
Adzin čałaviek kryknuŭ jamu «Ź Vialikadniem», na što karol pamachaŭ rukoj i adkazaŭ: «I vam».
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień5
Kamientary