Minzdaroŭja moža źniać zabaronu na prodaž u Biełarusi papularnaj harbaty
Vytvorca robić vysiłki, kab vypravić situacyju.
Ministerstva achovy zdaroŭja prakamientavała zabaronu na ŭvoz harbaty rasijskaj kampanii «Arymi». U viedamstvie raspaviali, pry jakich umovach papularny pradukt moža znoŭ źjavicca na pryłaŭkach kram.
Było zajaŭlena, što čornaja harbata marak «Pryncesa Kandzi» i «Pryncesa Hita» nie adpaviadaje techrehłamientu Mytnaha sajuza pa pakazčykach biaśpieki. U pryvatnaści, u pradukcyi vyjavili pieravyšeńnie dapuščalnaha ŭzroŭniu ćvili. Pastanovaj namieśnika ministra achovy zdaroŭja — hałoŭnaha sanitarnaha doktara ad 1 krasavika była nakładzienaja zabarona na prodaž hetaj harbaty na terytoryi krainy.
— Zaraz vytvorca pravodzić šerah karektujučych mierapryjemstvaŭ z metaj farmiravańnia dokazaŭ, jakija śviedčać stabilnaść pracesaŭ vytvorčaści, zachoŭvańnia, transparciroŭki pradukcyi, a taksama dziejsnaść sistemy kantrolu biaśpieki, uklučajučy vyniki łabaratornych daśledavańniaŭ, dziaržaŭnaha kantrolu (nahladu) za vykanańniem rehłamientavanych patrabavańniaŭ pry vytvorčaści charčovaj pradukcyi, — adznačyli ŭ Ministerstvie achovy zdaroŭja.
Kali takija dokazy buduć sfarmavanyja, padkreślili ŭ viedamstvie, to abmiežavańni na ŭvoz i prodaž u Biełarusi pradukcyi kampanii «Arymi» mohuć źniać va ŭstanoŭlenym zakonam paradku.
Kamientary