Iran atakavaŭ Izrail 185 udarnymi bieśpiłotnikami, 36 kryłatymi rakietami i 110 balistyčnymi rakietami
Što adbyvałasia ŭ noč na 14 krasavika.
U 1:42 nočy 14 krasavika na terytoryi Izraila pačali hučać sireny, jakija papiaredžvali ab pavietranaj atacy z uschodu — ź Irana, Jemiena, Iraka, piša newsru.co.il.
U 1:45 pieršyja sireny prahučali i ŭ Erusalimie. Z 1:50 sihnały tryvohi byli čutnyja na Hałanskich vyšyniach.
Izrailskija siły SPA i sistemy SRA pieršapačatkova paśpiachova adbili masiravanuju pavietranuju ataku, było čuvać šmat vybuchaŭ.
Pradstaŭnik ministerstva abarony Izraila zajaviŭ, što bolš za 100 iranskich udarnych BPŁA spačatku ŭžo pierachoplenyja za miežami pavietranaj prastory Izraila. Miarkujučy pa najaŭnych danych, hetyja bieśpiłotniki byli źbityja siłami ZŠA i Vialikabrytanii.
Usiaho za noč byli vypuščanyja 185 udarnych BPŁA, 36 kryłatych rakiet i 110 balistyčnych rakiet. Pieravažnaja bolšaść puskaŭ była ažyćcioŭlena z terytoryi Irana.
Akramia taho, puski ažyćciaŭlalisia ź Iraka i Jemiena. Izrailski čynoŭnik paviedamiŭ redakcyi New York Times, što «adkaz Izraila na iranski napad budzie skaardynavany ź jaho sajuźnikami».
Sistemy SPA Izraila pierachapili 99% zapuščanych u bok Izraila balistyčnych rakiet i bieśpiłotnikaŭ. U CACHAŁie zajavili, što «minimalny ŭron» byŭ naniesieny adnoj z vajskovych baz u Niehievie.
U svaju čarhu, Iranski Korpus vartavych isłamskaj revalucyi (KVIR) zajaviŭ ab «paśpiachovym źniščeńni» važnych vajskovych celaŭ na terytoryi Izraila.
Duchoŭny lidar Irana Ali Chamieniei paśla pačatku ataki Irana na Izrail zajaviŭ, što «złačynny sijaniscki režym budzie pakarany». A pastajannaje pradstaŭnictva Irana ŭ AAN zajaviła, što «kali izrailski režym zrobić jašče adnu pamyłku, adkaz Irana budzie značna bolš surovym». Vyhladaje, adnak, što heta pustaja rytoryka.
Kamientary