Ekanamist Daniejka ŭpeŭnieny, što nie horš za Łukašenku zmoh by manieŭravać pamiž Zachadam i Rasijaj
Ab hetym viadomy ekanamist, administratyŭny dyrektar Centra ekanamičnych daśledavańniaŭ BEROC zajaviŭ u novym vypusku TOKu.
Padčas razmovy Pavieł Daniejka vykazaŭ svoj pohlad na śćviardžeńnie ab tym, što Łukašenka — adziny čałaviek, zdolny manieŭravać pamiž Rasijaj i Zachadam i zachavać niezaležnaść Biełarusi.
«Ja b taksama narmalna heta ŭsio rabiŭ», — zaŭvažyŭ Daniejka i dadaŭ, što jon viedaje jašče «kuču narodu», jakija b mahli paśpiachova manieŭravać pamiž Zachadam i Rasijaj.
Što tyčycca Łukašenki, to, na pohlad ekanamista, «jaho pazicyja — heta pazicyja niezaležnaści, a być praparščykam pry padpałkoŭniku — heta nie jaho mara».
Daniejka adznačaje, što Łukašenka budzie i nadalej imknucca pa-maksimumie być samastojnym. Na karyść hetaha śviedčyć jaho papiaredniaja dziejnaść. Tak, jon imknuŭsia abmiežavać palityčny i ekanamičny ŭpłyŭ Rasii na Biełaruś.
Daniejka nahadaŭ, što Łukašenka «zaŭsiody staviŭ zadaču, kab źniešni handal byŭ 30-30-30, u roŭnych dalach raźmiarkoŭvajučy pamiž Rasijaj, Zachadam i krainami, jakija raźvivajucca. Pierad 2020-m hodam dola Rasii była 39%». Ciapier, zaŭvažaje ekanamist, Łukašenka apynuŭsia ŭ inšaj situacyi.
«Ci budzie jon sprabavać z hetaha vyskačyć, ja nie viedaju. Z punktu hledžańnia majho ŭspryniaćcia jaho historyi, jon pavinien budzie zmahacca za svaju bolš niezaležnuju pazicyju», — ličyć ekanamist.
Hladzicie całkam:
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary
Tolki łukašenačka, daniejačka i inšyja spradvieku mudryja i ščyryja luccy. Vojčań łoŭka!
Rasieja ŭ 2022-m ahaliła svaju sutnaść i dakazaŭ što aryjentavacca na jajo niama sensu, bo niebiaśpiečna (i taksična dla biźniesu)