Situacyja nie vielmi dobraja, ale ŭ karotkaterminovaj pierśpiektyvie kiravanaja.
Rasijskija vajskoŭcy ŭ kolkaści 60 čałaviek raźmiaścilisia na avijabazie 101 u Nihiery, dzie znachodziacca vojski ZŠA. Infarmacyju ab hetym paćvierdziŭ telekanał CNN, piša «Nastojaŝieje vriemia»
Pa danych ŚMI, rasijanie vykarystoŭvajuć asobny anhar na terytoryi avijabazy. «Situacyja nie vielmi dobraja, ale ŭ karotkaterminovaj pierśpiektyvie kiravanaja», — skazaŭ u razmovie sa ŚMI nienazvany amierykanski čynoŭnik.
Pavodle jaho słoŭ, ułady Nihiera apaviaścili administracyju ZŠA ab prybyćci rasijan u Nihier, a amierykanski bok u adkaz daŭ zrazumieć, što vajskoŭcy ZŠA nie mohuć znachodzicca na bazie z rasijskimi. Jon zaznačyŭ, što ŭłady Nihiera ŭspryniali heta «nie vielmi dobra».
Avijabaza ZŠA raźmieščana ŭ horadzie Ahades (prykładna za 920 km ad stalicy) i vykarystoŭvajecca ŭ tym liku dla piłatujemych i bieśpiłotnych palotaŭ.
U sakaviku 2024 urad Nihiera abjaviŭ ab razryvie pahadnieńnia ab vajennym supracoŭnictvie z ZŠA. U krasaviku ŭ krainu prybyła sotnia rasijskich vajskovych instruktaraŭ.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary