U kałonii i SIZA nie dachodziać bankaŭskija pieravody — sotni płaciažoŭ viarnulisia adpraŭnikam
Napiaredadni 9 maja sotni płaciažoŭ viarnulisia adpraŭnikam, prablema nazirajecca va ŭsich rehijonach krainy, pišuć pravaabaroncy z Mayday.
Prablema nazirajecca ŭžo miesiac, adnak u apošnija dni zdaryŭsia hłabalny zboj, jaki zakranuŭ navat «Biełarusbank». Śpiarša prablemy pačalisia ź internet-bankinham, i pieravody byli dastupnyja tolki praz pasłuhu «M-bankinh» i tolki «pieravod pa rekvizitach». Adnak apošnija try dni bankinh paviedamlaje, što płaciež zabaronieny.
Viadoma pra vypadki, kali hrošy viartalisia adpraŭniku praz dva tydni, nie dabraŭšysia da rachunkaŭ SIZA abo kałonii.
U «Biełarusbanku» paviedamili, što z hetaha tydnia błakujucca ŭsie rachunki atrymalnika, jakija pačynajucca ź ličbaŭ 36 — heta ž tyčycca sistemy ARIP. U jakaści časovaj miery supracoŭniki banka prapanujuć skarystacca ź sistemy e-POS, ale joj možna karystacca tolki tady, kali viadomy asabisty rachunak atrymalnika. Dla kałonij heta nierealna.
Pieravody pa pošcie dastupnyja, adnak tam isnuje «čorny śpis», kudy ŭklučajuć asob, pryznanych «terarystami», a taksama šerah palitviaźniaŭ biez hetaha statusu.
Z-za błakavańnia płaciažoŭ sotni viaźniaŭ zastajucca biez mahčymaści «atavarki» ŭ turemnaj kramie, apłaty pakojaŭ dla praciahłych spatkańniaŭ i inšych pasłuh, jakija nadajuć kałonii.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary