Pryčynaj abvału doma ŭ Biełharadzie była rasijskaja avijabomba ci zienitnaja rakieta
Pa vybitych šybach, charaktary razbureńnia haražoŭ dy inšych rujnavańniaŭ vidać, što vybuchovaja chvala išła z paŭnočnaha ŭschodu na paŭdniovy zachad.
Abvalvańnie padjezda ŭ dziesiacipaviarchovym žyłym domie ŭ Biełharadzie mahło adbycca ŭ vyniku papadańnia rasijskaj zienitnaj rakiety abo padzieńnia avijacyjnaj bomby. Da takoj vysnovy pryjšli daśledčaja hrupa Conflict Intelligence Team (CIT).
Pavodle jaho słoŭ, pa vybitych šybach, charaktary razbureńnia haražoŭ dy inšych rujnavańniaŭ vidać, što vybuchovaja chvala išła z paŭnočnaha ŭschodu na paŭdniovy zachad. Što stralali z rasijskaha boku. «Tamu ŭ nas tolki dźvie viersii: albo heta rasiejskaja zienitnaja rakieta ad kompleksu supraćpavietranaj abarony, jakaja dała zboj i paśla pusku palacieła ŭniz — takoje byvaje, albo heta čarhovy prykład, kali ŭ avijabomby, puščanaj z rasiejskaha samalota, nie raskrylisia kryły, i jana čarhovym razam upała na Biełharad», — adznačyŭ zasnavalnik CIT Rusłan Levijeŭ.
Na karyść druhoj viersii, pavodle jaho słoŭ, kaža toje, što ŭ momant trahiedyi ŭkrainskija telehram-kanały paviedamlali ab užyvańni avijabombaŭ pa Charkaŭskaj vobłaści. Taksama zasnavalnik CIT nazvaŭ «absalutna niejmaviernym», što rasiejskaja SPA mahła takim čynam pierachapić ukrainskuju rakietu, što jana zalacieła za dom, raźviarnułasia ŭ pavietry i palacieła nazad, trapiŭšy pa paŭnočna-ŭschodnim baku budynka.
Toje, što pa šmatpaviarchoviku ŭ Biełharadzie trapiła zienitnaja rakieta, vyhladaje bolš imaviernym, zhadžajecca vajskovy ekśpiert Juryj Fiodaraŭ. «Kali b tudy ŭpała vialikaja bomba, bolš za 100 kh vybuchoŭki, tam byli b značna bolš mocnyja paškodžańni. A voś bojehałoŭka zienitnaj rakiety — heta padobna da praŭdy», — skazaŭ ekśpiert. Jon dadaŭ, što ŭsie astatnija razmovy — heta «sproby pierakłaści adkaznaść z adnych plačej na inšyja», cytuje jaho The Moscow Times.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia17
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary