«Dzialusia svajoj asabistaj nievialikaj pieramohaj — ja staŭ salisitaram, heta značyć anhlijskim advakatam, nazyvajučy rečy zvykłymi dla nas słovami», — napisaŭ Illa Salej u svaim instahramie.
«Praces zaniaŭ kala hoda — i heta tolki čas, nie ličačy kolkaść vydatkavanych niervaŭ i brytanskich funtaŭ. Padrychtoŭka da ispytaŭ, paśpiachovaja zdača, pravierka asoby, šmatlikija tłumačeńni, čamu ja nie mahu pracavać doma, i za što na mianie zaviali kryminalnuju spravu ŭ Biełarusi. I voś, narešcie, doŭhačakany stanoŭčy vynik.
Anhlijski salisitar — adna z samych prestyžnych i zapatrabavanych jurydyčnych kvalifikacyj u jurydyčnym śviecie.
Nie dumaju, što mnie daviadziecca pracavać u anhlijskich sudach, ale bolšaść mižnarodnych ździełak ździajśniajecca mienavita pa anhlijskim pravie. Plus, kali što, mahu padtrymać u palicejskim učastku», — napisaŭ jon.
Jon kaža, im ruchała žadańnie raźvivacca.
«A jašče žadańnie pakazać, jakija my, biełaruskija jurysty, i što niama ničoha niemahčymaha, navat kali ciabie pazbavili prava žyć u svajoj krainie. Bo moj vypadak zusim nie ŭnikalny. Pakazać, jakija my — heta praciahvać havaryć za tych, chto siońnia pazbaŭleny takoj mahčymaści z-za svaich pryncypovych prafiesijnych i čałaviečych jakaściaŭ», — dadaŭ Illa Salej.
Illu Saleja zatrymali ŭ vieraśni 2020 hoda, spačatku jon byŭ u SIZA, zatym — pad chatnim aryštam. Z 16 krasavika 2021 hoda jamu źmianili mieru strymańnia z chatniaha aryštu na zakład. Jon byŭ u statusie abvinavačanaha pa častcy 3 artykuła 361 Kryminalnaha kodeksa. Uletku 2021 hoda jon pakinuŭ Biełaruś.
Ciapier čytajuć
Jak 25‑hadovy Aleś uratavaŭ ad źniknieńnia kalekcyju biełaruskich ekspanataŭ. Jon naradziŭsia i vyras u Hiermanii, ale havoryć pa-biełarusku1
Kamientary