Rasija vyrašyła samačynna zrušyć miažu ź Litvoj i Finlandyjaj u Bałtyjskim mory
Rasijskija ŭłady pryniali rašeńnie ŭ adnabakovym paradku źmianić marskija miežy krainy ź Litvoj i Finlandyjaj u Bałtyjskim mory, vynikaje z prajekta pastanovy ŭrada, apublikavanaha na partale pravavych aktaŭ, piša The Moscow Times.
Zhodna z dakumientam, jaki padrychtavała Minabarony, Rasija maje namier abjavić svaimi ŭnutranymi marskimi vodami častku akvatoryi na ŭschodzie Finskaha zaliva, a taksama pablizu haradoŭ Bałtyjsk i Zielenahradsk u Kalininhradskaj vobłaści. Dla hetaha buduć źmienienyja hieahrafičnyja kaardynaty punktaŭ, jakija vyznačajuć stanovišča zychodnych linij, ad jakich admiarajecca šyrynia terytaryjalnaha mora RF, a taksama prylehłaj zony la ŭźbiarežža i astravoŭ.
Na miažy ź Finlandyjaj rasijski ŭrad maje namier skarektavać kaardynaty ŭ zonie astravoŭ Jiachi, Somiers, Hołand, Rodšer, Mały Ciuters, Vihrund, a taksama kala paŭnočnaha ŭvachodnaha mysa raki Narva, vynikaje z dadatku da pastanovy Kabinieta ministraŭ RF.
Na miažy ź Litvoj pad pierahlad trapiła zona Kuršskaj kasy ŭ Hdańskim zalivie, rajony mysa Taran, mysa na poŭdzień ad mysa Taran, a taksama Bałtyjskaj kasy.
Dakumient ab pierahladzie miažy, jaki pakul aficyjna nie kamientavali MZS Finlandyi i Litvy, byŭ pradstaŭleny na hramadskaje abmierkavańnie praktyčna adnačasova z pačatkam vučeńniaŭ pa vykarystańni taktyčnaj jadziernaj zbroi. Rasijskaje Minabarony abjaviła, što jany startavali ŭ Paŭdniovaj vajskovaj akruzie z udziełam kompleksaŭ «Iskander» i avijacyi, uzbrojenaj rakietami «Kinžał». Metaj vučeńniaŭ zajaŭlenyja padrychtoŭka asabovaha składu da vykarystańnia niestratehičnaj jadziernaj zbroi, a taksama adkaz «na pravakacyjnyja zajavy i pahrozy asobnych zachodnich aficyjnych asob», zajaviła pres-słužba viedamstva.
U Rasii pačali vučeńni pa adpracoŭcy prymianieńnia jadziernaj zbroi
Vučeńni pa vykarystańni taktyčnaj jadziernaj zbroi. Jakaja ŭ ich rola Biełarusi i ci buduć zadziejničany sapraŭdnyja bojehałoŭki
U samalotaŭ, jakija laciać nad Bałtykaj, pačaścilisia zboi praź pieraškody z GPS. Za hetym moža stajać Rasija
Łatvija, Litva i Estonija abvinavacili Rasiju ŭ padaŭleńni sihnałaŭ GPS u Bałtyjskim mory
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary