«Hladzi, druharadny hieroj treciasortnaj Ełady». Novy vierš Stasia Karpava
Staś Karpaŭ apublikavaŭ u fejsbuku novy vierš.
Hladzi, druharadny hieroj treciasortnaj Ełady:
Z takich bijahrafijaŭ robiacca tolki dakłady.
Instrukcyi dla niedažyŭšych da vieku stałoha.
I, moža być… moža być para radkoŭ niekrałoha,
Malitvy za ŭsich i nikoha na brackaj mahile -
Dva mietry nad kryškaj — pryblizna siem futaŭ pad kilem.
Daloka zapłyŭ, kab zachrasnuć u zavužanym vuści
Hierojem dla tostaŭ pra tych, chto nie z nami čamuści.
Navokał ciapleje. Chvilina, kraina, druhaja -
A ja za saboj biełaruskuju vosień ciahaju.
I choład, jaki pranikaje u serca, u palcy
Choć bisia u sopku baškoj, choć zaryjsia u halcy.
Takoha zaŭždy i z paŭsłova paznaješ adrazu:
Biaskoncaja vosień, dzie vierasień — forma adkazu
Na ŭsie tvaje mary harotnaj vyhnańnickaj kazki,
Kudy b ty ni sunuŭ chałodny svoj nos uciakacki.
Sabaki hladziać jak ich horad vajuje z prybojem.
Adčaj i adčajki usio zapaŭniajuć saboju.
Ja moŭčki źnikaju pad ich nieskančajemy klokat
La čornaha-čornaha mora. Daloka-daleka.
Batumi, 2024.
«U tych, chto zjechaŭ, niaredka abjom śmiełaści pavialičvajecca za košt abjoma pamiaci». Karpaŭ — pra Sańnikava
«Samaja vialikaja siła ŭ śviecie — heta siła nich…» — Staś Karpaŭ pra ruskuju duchoŭnaść
«I navat Pucina zaja…li. I navat Pucin ich zaja…ŭ». Staś Karpaŭ padzialiŭsia dumkami pra «dobrych ruskich», pabačanych na haračym poŭdni
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary