U Biełarusi ŭ razy skaraciłasia płošča bałot i łuhoŭ, zatoje šyracca lasy
Kali 30 hadoŭ tamu bałoty pakryvali 14,2% terytoryi Biełarusi, to ciapier tolki 4,2%. Takuju infarmacyju paviedamiŭ Dźmitryj Hrumo, dyrektar Instytuta ekśpierymientalnaj bataniki Akademii navuk na pres-kanfierencyi. Pavodle jaho słoŭ, skaračeńnie bałot stała vynikam mielijaracyi, piša Thinktanks.by
Adnačasova ŭ Biełarusi realizujucca prajekty pa adnaŭleńni terytoryi bałot. Z 2006 hoda realizavanyja 40 takich prajektaŭ i adnoŭlenaja terytoryja płoščaj u 70 tys. hiektaraŭ. Vopytam adnaŭleńnia parušanych bałotnych ekasistem biełaruskija navukoŭcy dzielacca ź mižnarodnaj hramadskaściu.
Usiaho ŭ Biełarusi 56% terytoryi zaniatyja naturalnymi pryrodnymi ekasistemami. Samaj prablemnaj katehoryjaj Dźmitryj Hrumo nazvaŭ łuhi, asabliva pojmiennyja. Sa źmianieńniem hidrałahičnaha płasta asiarodździa łuhi pastupova zarastajuć i źmianiajucca lasnoj zonaj. Jakimi tempami źmianšajecca płošča łuhoŭ, na pres-kanfierencyi nie ŭdakładnili.
Zatoje ŭ krainie raście terytoryja, pakrytaja lasami — za apošnija 30 hadoŭ jana pavialičyłasia na 14%. Ciapier lasy zajmajuć kala 41% płoščy Biełarusi. Pa zapasie stvałavoj draŭniny na kožnaha hramadzianina krainy my ŭ 2,3 razy pieravyšajem siaredni suśvietny ŭzrovień.
Kiraŭnik Instytuta ekśpierymientalnaj bataniki prapanavaŭ pry achovie vidavoj raznastajnaści aryjentavacca na ekasistemny padychod — zachavańnie ŭ pieršuju čarhu miescaŭ pražyvańnia vidaŭ.
Čamu ŭ biełaruskich lasach stała tak šmat klaščoŭ? Asnoŭnyja pryčyny dźvie
Adpačynak na pryrodzie. Top-5 malaŭničych miescaŭ u Biełarusi, dzie varta pabyvać hetaj viasnoj
U Biełarusi jość dźvie raki, pa płyni jakich možna dapłyści ŭ Sankt-Pieciarburh i Estoniju. Što za jany?
Biełaruskaje bałota Jelnia akazałasia kudy starejšym, čym ličyłasia
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje
Kamientary