«Adna mašyna ŭ kiuviecie, inšaja na raździalalnaj pałasie hareła» — zdareńnie kala Kurhana Słavy
Surjoznaja avaryja byłasia ŭčora ŭviečary na trasie M2 (Minsk — Nacyjanalny aeraport Minsk) niedaloka ad Kurhana Słavy. Jak miarkujecca, sutyknulisia dva aŭtamabili. Adnu mašynu bačyli ŭ kiuviecie, druhuju — na raździalalnaj pałasie, jana hareła.
Adzin sa śviedak raspavioŭ Oniner, što prajazdžaŭ miesca DTZ 18 červienia kala 22:50. Na darozie spynialisia mašyny. Inšyja sprabavali abjechać hety ŭčastak u tym liku praz raździalalnuju i sustrečnuju pałosy.
— My viartalisia ŭ Minsk. Adna mašyna hareła na raździalalnaj pałasie, ekstrannych słužbaŭ jašče nie było. Inšuju mašynu — heta była Tesla — vyniesła na dosyć vialikuju adlehłaść u kiuviet sprava, — paviedamiŭ jon.
Inšaja čytačka jechała tam ža praź niekatory čas. Jana paćvierdziła, što na raździalalnaj pałasie hareła mašyna, pryčym udałosia razhladzieć, što jana była pierakulenaja. Inšy aŭtamabil znachodziŭsia ŭ kiuviecie.
— U hety čas užo byli chutkija, DAI, pažarnyja tušyli aŭto, — dadała jana.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary