«Biełpošta» papiaredziła pra novuju schiemu machlarstva ad jaje imia
«Biełpošta» źviarnuła ŭvahu na čarhovuju ašukanskuju schiemu dla padmanu klijentaŭ. Złamyśniki nakiroŭvajuć paviedamleńni na mabilnyja pryłady sa spasyłkaj na resurs u internecie.
Pry pierachodzie na toj sajt klijent traplaje na fišynhavy sajt, dzie jamu prapanujecca ŭvieści adrasnyja źviestki i apłacić paŭtornuju adpraŭku pasyłki.
«Biełpošta» zaznačaje, što nakiroŭvaje klijentam paviedamleńni pra pastupleńnie paštovych adpraŭleńniaŭ tolki infarmacyjnaha charaktaru.
Rassyłańnie paviedamleńniaŭ, jakija pakazvajuć na nieabchodnaść apłaty paštovych pasłuh pa spasyłcy ŭ režymie anłajn z nastupnym uvodam danych bankaŭskich płaciežnych kart, nie ažyćciaŭlajecca.
Kamientary