U Kalifornii vyratavali mužčynu, jaki bieź ničoha zhubiŭsia ŭ lesie i błukaŭ tam 10 dzion. A vyžyŭ dziakujučy čaravikam
Mužčyna nie mieŭ pry sabie ni vady, ni ježy, bo dumaŭ, što idzie «na trochhadzinny piešy špacyr».
34-hadovy žychar štata Kalifornija (ZŠA) Łukas Makkliš zhubiŭsia ŭ lesie i błukaŭ pa im 10 dzion. Jaho znajšli miascovyja pravaachoŭniki.
Mužčyna nie mieŭ pry sabie ni vady, ni ježy, bo dumaŭ, što idzie «na trochhadzinny piešy špacyr», piša The Washington Post sa spasyłkaj na miascovyja ŭłady.
Viadoma, što Łukas vyjšaŭ z domu ranicaj 11 červienia. Kali praź niekalki dzion jon nie viarnuŭsia, jaho blizkija zabili tryvohu. Palicyja pačała pošuki źnikłaha.
U zajavie pažarnaj słužby akruhi San-Matea havorycca, što niekalki śviedak čuli prośby Makkliša ab dapamozie. Tamu mužčynu šukali z dapamohaj dronaŭ.
CAL FIRE CZU firefighters assisted @SantaCruzSO1 @BoulderCreekFD with a rescue in Big Basin State Parks last night. There were multiple reports of witnesses hearing someone yelling for help, but the location of that person was hard to establish. READ MORE ⬇️ pic.twitter.com/tQxHvVPVJO
Na ščaście, Łukasa znajšli žyvym i biez surjoznych traŭmaŭ. Na fota ź miesca zdareńnia, jakoje apublikavali ŭ sacsietcy Ch, vidać, jak ščaślivy mužčyna abdymaje svaich rodnych.
Miascovym ŚMI jon raspavioŭ, što vyratavali jaho … pachodnyja čaraviki, ź jakich jon na praciahu 10 dzion piŭ vadu.
«Ja prosta chadziŭ kožny dzień. Padymaŭsia na kańjon, spuskaŭsia da nastupnaha vadaspadu, sadziŭsia kala jaho i piŭ vadu sa svajho čaravika», — raspavioŭ Makkliš.
Jon taksama dadaŭ, što charčavaŭsia dzikimi jahadami. Adnak praź niekalki dzion jon adčuŭ patrebu padsiłkavacca čymści bolš sytnym. Pryznaŭsia, što bolš za ŭsio maryŭ pra buryta i taka (stravy mieksikanskaj kuchni).
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ67
Kamientary
https://youtu.be/k5IOrw1LOZo?si=iDsQ_6TdDLZn9_4z