Pieršy tur daterminovych vybaraŭ u Nacyjanalnuju Asambleju pačaŭsia ŭ Francyi. Pa ich vynikach u krainie ŭpieršyniu z časoŭ Druhoj suśvietnaj vajny moža być sfarmiravany krajnie pravy ŭrad.
Vybarčyja ŭčastki adkrylisia ŭ vosiem ranicy pa miascovym časie. Čas zakančeńnia hałasavańnia ŭ roznych nasielenych punktach moža adroźnivacca, ale ŭ bujnych haradach prahałasavać možna budzie da 20:00. Da hetaha ž času čakajucca pieršyja ekzit-poły i prahnozy raźmierkavańnia miescaŭ u parłamiencie, a kančatkovyja vyniki stanuć viadomyja paśla druhoha tura 7 lipienia, piša BBC.
Pazačarhovyja vybary byli pryznačanyja paśla taho, jak prezident Emanuel Makron raspuściŭ parłamient na fonie razhromu jaho centrysckaha aljansu na vybarach u Jeŭraparłamient i pieramohi partyi Maryn Lo Pen.
Pavodle apošnich sacyjałahičnych apytańniaŭ, siońnia ŭltrapravaja partyja Maryn Lo Pen «Nacyjanalnaje abjadnańnie» moža zaniać pieršaje miesca, ale nie atrymaje absalutnaj bolšaści, nieabchodnaj dla kantrolu nad parłamientam.
Sa słoŭ samoj Lo Pen, kali «Nacyjanalnaje abjadnańnie» ŭsio ž atrymaje absalutnuju bolšaść u 577-miascovaj nacyjanalnaj asamblei, u Makrona nie budzie inšaha vybaru, jak pryznačyć na pasadu premjer-ministra jaje 28-hadovaha prateže Žardana Bardełu.
Maryn Lo Pen: Kali my sfarmujem urad, francuzskich vajskoŭcaŭ va Ukrainie nie budzie
Francuzskija ultrapravyja cicha vydalili prapanovy pa pahłybleńni supracoŭnictva z Rasijaj
«Idealny ziać» i zorka TikTok: u Francyi premjer-ministram moža stać 28-hadovy palityk
Pra što dumaŭ Makron, abviaščajučy daterminovyja vybary
Makron raspuściŭ francuzski parłamient i abviaściŭ daterminovyja vybary
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary