Z 1 lipienia źmianiajecca paradak pryjomu na pracu inšaziemcaŭ. Žadajučyja pryjechać siudy na pracu pavinny atrymać vydadzieny ŭ Litvie časovy vid na žycharstva, piša Delfi.
Jak paviedamlaje Departamient mihracyi, z 1 lipienia tut bolš nie zmohuć pracavać inšaziemcy, jakija raniej pryjazdžali ŭ Litvu pa biaźvizavym režymie abo pa nacyjanalnych, šenhienskich vizach abo vidach na žycharstva, vydadzienych inšymi krainami.
Adnak jość vyklučeńni, kali vidy na žycharstva nie patrabujucca. Jany tyčacca zamiežnikaŭ, jakija pryjazdžajuć u Litvu ŭ kamandziroŭku abo ŭ jakaści supracoŭnikaŭ kampanii, zasnavanaj u dziaržavie-členie Jeŭrapiejskaha sajuza ci Jeŭrapiejskaj asacyjacyi svabodnaha handlu.
Turbavacca pra na vidy na žycharstva taksama nie treba členam ekipažaŭ sudnaŭ, jakija płavajuć pa mižnarodnych maršrutach pad ściaham Litvy;
inšaziemcam, jakija prybyvajuć nie bolš jak na 3 miesiacy ŭ hodzie dla vyrašeńnia pytańniaŭ, źviazanych z zaklučeńniem i vykanańniem dahavoraŭ, navučańniem piersanału abo ŭstanoŭkaj abstalavańnia;
pradprymalnikam, jakija zjaŭlajucca akcyjanierami i kiraŭnikami kampanij;
vysokaprafiesijnym spartsmienam, vykanaŭcam;
žurnalistam, akredytavanym Ministerstvam zamiežnych spraŭ;
asobam, jakija aficyjna zajmajucca relihijnaj dziejnaściu;
inšaziemcam, jakija prybyvajuć dla realizacyi vałanciorskich prahram uradaŭ abo ES;
vykładčykam i daśledčykam;
hramadzianam ekanamična raźvitych krain, jakija pryjazdžajuć na pracu abo kab zajmacca inšaj lehalnaj dziejnaściu.
Inšaziemcy, jakija pačali pracavać u Litvie da ŭstupleńnia ŭ siłu papravak da zakona, zmohuć pracavać da zakančeńnia terminu lehalnaha znachodžańnia abo da taho času, pakul jany nie nabuduć prava na pracu na inšych padstavach, praduhledžanych zakonam.
Polšča i krainy Bałtyi prosiać pra abarončuju liniju na miažy z Rasijaj i Biełaruśsiu
Pišuć listy aŭtavytvorcam i ŭ litoŭskuju mytniu. Sotni biełarusaŭ čakajuć padsankcyjnyja aŭto z ZŠA
«Lidarami pa admovach zastajucca Hrecyja i Polšča». Dzie ciapier biełarusam praściej za ŭsio atrymać šenhienskuju vizu?
Pavietranaja himnastka pakazała zakuliśsie pracy ŭ Biełdziaržcyrku7
Kamientary