Polšča i krainy Bałtyi prosiać pra abarončuju liniju na miažy z Rasijaj i Biełaruśsiu
Pytańnie budzie abmiarkoŭvacca ŭžo siońnia.
Polšča, Litva, Łatvija i Estonija zaklikali ŭ sieradu Jeŭrapiejski Sajuz pabudavać abarončuju liniju ŭzdoŭž miažy błoka z Rasijaj i Biełaruśsiu, kab abaranić ES ad vajskovych pahroz i inšych škodnych dziejańniaŭ z boku Maskvy, piša Reuters.
U liście da staršyni ES, jaki budzie abmiarkoŭvacca na samicie ŭ Brusieli ŭ čaćvier, lidary čatyroch krain, jakija majuć ahulnyja miežy z Rasijaj i Biełaruśsiu, zajavili, što prajekt, nakiravany na abaronu błoka z 27 krain i z 450-miljonnym nasielnictvam, taksama zapatrabuje finansavaj padtrymki ŭsich členaŭ.
Pad hibrydnymi pahrozami majecca na ŭvazie jadnańnie vajskoŭcaŭ i nievajskoŭcaŭ, a taksama schavanych i adkrytych srodkaŭ, uklučajučy dezynfarmacyju, kibierataki, ekanamičny cisk i pierapraŭku mihrantaŭ praź miežy.
Jak havorycca ŭ liście, maštab i košt hetych sumiesnych namahańniaŭ patrabujuć metanakiravanych dziejańniaŭ ES dla ich palityčnaj i finansavaj padtrymki.
Niekatoryja dypłamaty ES acanili košt budaŭnictva takoj abarončaj linii ŭzdoŭž 700-kiłamietrovaj miažy ES z Rasijaj i Biełaruśsiu prykładna ŭ 2,5 miljarda jeŭra (2,67 miljarda dalaraŭ).
Jeŭrapiejskija inviestycyi ŭ abaronu i jaje finansavańnie stanuć adnoj z hałoŭnych tem dla abmierkavańnia lidarami JEM na samicie, pakolki vajna Rasii suprać Ukrainy pradaŭžajecca ŭžo treci hod i Maskva ŭzmacniaje hibrydnyja apieracyi suprać Zachadu.
Zaklik da sumiesnaha finansavańnia linii naziemnaj abarony na ŭschodniaj miažy ES źjaviŭsia paśla papiaredniaj inicyjatyvy Hrecyi i Polščy stvaryć sistemu supraćpavietranaj abarony ES na ŭzor izrailskaha «žaleznaha kupała», jakaja b kaardynavała ciapier razroźnienyja sistemy supraćpavietranaj abarony krain-čalcoŭ ES.
U liście havorycca, što płanavańnie i budaŭnictva linii abarony na ŭschodniaj miažy ES pavinna ažyćciaŭlacca ŭ kaardynacyi z NATO i jaho vajennymi patrabavańniami.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič66
Kamientary