Kožnyja vychadnyja ŭ Biełarusi pa rekach na bajdarkach spłaŭlajecca kala 8 tysiač čałaviek. Popyt vialiki: u Minsku znajści svabodnuju bajdarku ŭ siezon realna tolki za miesiac da płanavanaha spłavu. Pra heta paviedamlaje Respublikanski sajuz turindustryi sa spasyłkaj na staršyniu Minskaha adździaleńnia Respublikanskaha turyscka-spartyŭnaha sajuza Alaksieja Fiksiuka.
Pavodle słoŭ Alaksieja Fiksiuka, u rasparadžeńni jurydyčnych asob pa krainie — kala 3,5−4 tys. bajdarak. Pry hetym zavieźci novyja ŭ krainu składana. Bajdarki znachodziacca ŭ sankcyjnym śpisie, u samoj Biełarusi płastykavyja nie vypuskajuć, a sa škłapłastyku jany niedaŭhaviečnyja. Rasijskija ž nadzimanyja zanadta doraha kaštujuć.
Arenda bajdarki na vychadnyja, naprykład, u Hrodnie abydziecca ŭ 120 rubloŭ. Miesca ŭ bajdarcy z pasłuhami instruktara kaštuje 40 rubloŭ za 1,5 hadziny.
Asabliva papularnymi stali siamiejnyja spłavy.
«Sioleta navat daviałosia zakupić dziasiatak bajdarak-trojek dla mamy, taty i dziciaci, z mahčymaściu daŭkamplektavańnia da čatyrochmiascovaj, — adznačaje namieśnik staršyni Hrodzienskaha abłasnoha adździaleńnia HA «Respublikanski turyscka-spartyŭny sajuz» Siarhiej Kalada. — Raniej takoj tendencyi nie nazirałasia. Pryjazdžajuć pa 3-4 siamji i vybirajuć aktyŭny adpačynak, a nie «čarku-skvarku», što raduje».
Akramia prafiesijnych kłubaŭ, ciapier źjavilisia i pryvatnyja asoby, jakija prosta zdajuć bajdarki ŭ arendu, dazvalajučy arandataram płyć kudy zaŭhodna i vychodzić dzie zaŭhodna. Heta vyklikaje nieabchodnaść rehulavańnia, adnak, na dumku Alaksieja Fiksiuka, kali abmiežavać arendu bajdarak tolki pasłuhami prafiesijnych instruktaraŭ, to raźvićcio bajdaračnaha turyzmu zatarmazicca.
Akramia taho, prafiesijanały turbiznesu prapanujuć dazvolić u Biełarusi spłavy na bajdarkach padčas nierastu. Praź jaho ŭ krasaviku — mai reki zakrytyja. Pavodle ich słoŭ, viasło — nie mator, bajdarki nie pieraškadžajuć rybam nierastavać. Tym bolš, što na sapbordy ŭ hety čas zabarony niama, pakolki jany, u adroźnieńnie ad bajdarak, nie ličacca małamiernymi sudnami.
Kamientary
otdychať, tak otdychať! Nie dołho prirodie ostałoś - vsio bitym stiekłom zasriom
pusť dieti nohi riežut -zato my, buchije v žioppu, otdochnuli
Nie nužno obviniať mienia v tom čiem vy sami pochodu javlajetieś. Po siebie suditie..