Prezident Čechii prapanavaŭ sposab pačać pieramovy pamiž Ukrainaj i Rasijaj
Pa jaho słovach, nieabchodna razumieć, što ŭ Rasii bolš resursaŭ, čym va Ukrainy.
Prezident Pieter Pavieł ličyć, što jaho ŭkrainski kaleha Uładzimir Zialenski zadavoleny vynikami samitu NATA, jaki adbyŭsia na hetym tydni ŭ Vašynhtonie. Pra heta jon zajaviŭ padčas debataŭ u Chjustanie (Techas).
Choć Ukraina nie atrymlivała pramoha zaprašeńnia ŭstupić u Paŭnočnaatłantyčny sajuz, jana atrymała abiacańni kankretnaj padtrymki ŭ vyhladzie vajennaj techniki i šerahu dvuchbakovych pahadnieńniaŭ, piša seznamzpravy.cz.
Sa słoŭ Pavieła, nieabchodna razumieć, što ŭ Rasii bolš resursaŭ, čym va Ukrainy. U najbližejšy čas nie čakajecca istotnaha praryvu na linii frontu.
Zachadu varta pasprabavać pierakanać Rasiju ŭ tym, što jana nie moža damahčysia jakich-niebudź istotnych pośpiechaŭ na pole boju, jakija dazvolili b joj sieści za stoł pieramovaŭ, skazaŭ jon. Ukraina pavinna zabiaśpiečyć siabie ŭsim nieabchodnym dla svajoj abarony.
Kali pačnucca pieramovy, Zachad ni ŭ jakim razie nie pavinien pryznavać akupavanyja terytoryi rasijskimi, adznačyŭ Pavieł. Jon ličyć bolš łahičnym paznačyć ich jak časova akupavanyja, pakolki ŭ ciapierašnich umovach chutka viarnuć ich nierealna.
Pavieł taksama raspavioŭ pra inicyjatyvu Čechii pa pastaŭkach artyleryjskich bojeprypasaŭ dla Ukrainy ŭ krainy, jakija nie ŭvachodziać u ES.
Pavieł skazaŭ, što Čechija adpravić pa 50 000 adzinak bojeprypasaŭ u lipieni i žniŭni. Ź vieraśnia i da kanca hoda abjom pastavak pavinien skłaści 80-100 tysiač adzinak u miesiac.
Mikoła Buhaj: Treba pieraharnuć staronku 2020-ha i pačać žyć novymi realijami53
Kamientary