Novastvoranaja praŭładnaja partyja «Adylet» atrymała pieravažnuju bolšaść na pazačarhovych parłamienckich vybarach u Kazachstanie, śviedčać ekzitpoły. Vynik umacuje ŭładu prezidenta Kasym-Žamarta Takajeva, piša Reuters.com
Pavodle danych troch roznych ekzitpołaŭ, apublikavanych dziaržaŭnymi ŚMI Kazachstana, partyja «Adylet» nabrała ad 70% da 72% hałasoŭ pry jaŭcy bolš za 74%. Miescy ŭ parłamiencie taksama atrymali čatyry nievialikija apazicyjnyja partyi, choć i ich ličać łajalnymi da Takajeva.
Partyju «Adylet» stvaryli sioleta najbližejšyja daradcy prezidenta, i jana chutka pahłynuła byłuju kiroŭnuju partyju «Amanat».
Pieramoha «Adylet», imavierna, umacuje kantrol Takajeva nad krainaj za košt fihur, bolš ciesna źviazanych ź jaho papiarednikam Nursułtanam Nazarbajevym.
Inšyja vyniki:
- Ahulnanacyjanalnaja sacyjał-demakratyčnaja partyja (ASDP) — 5,2%;
- Kazachstanskaja partyja zialonych «Bajtak» — 1%;
- Narodnaja partyja Kazachstana (NPK) — 3%;
- Narodna-demakratyčnaja patryjatyčnaja partyja «Auył» — 6,4%;
- Demakratyčnaja partyja Kazachstana «Ak žoł» — 5,1%;
- Respublica — 5,4%;
- suprać usich — 2,1%.
Ciapier čytajuć
35 maładych biełarusaŭ i biełarusak, za jakimi varta sačyć: apublikavany pieršy śpis Next 3510
Kamientary