Łatuška: Ja mahu bajacca pić vadu ci kavu ŭ hramadskich miescach
Pavieł Łatuška daŭ intervju polskamu partału Onet.pl, u jakim raskazaŭ pra dziejnaść biełaruskich śpiecsłužbaŭ za miažoj i pra niebiaśpieku ŭ suviazi z hetym dla siabie asabista.
«Biełaruskaje telebačańnie zapisała prapahandyscki film pra toje, jak mianie viazuć z Polščy ŭ Biełaruś u bahažniku. U darknecie źjaviŭsia zakaz na mianie, za zabojstva Paŭła Łatuški chtości prapanoŭvaŭ 30 tys. jeŭra. Viedajučy hetyja mietady, jak jany pracujuć, ja mahu bajacca pić vadu ci kavu ŭ hramadskich miescach. Pra heta mnie raskazaŭ adzin z byłych aficeraŭ słužby Łukašenki. Heta pakazvaje, što režymnyja słužby vielmi aktyŭna pracujuć u hetaj častcy Jeŭropy», — skazaŭ Łatuška.
Pavodle jahonaj infarmacyi, u 2020 hodzie ŭ Biełarusi była stvorana hrupa, zadačaj jakoj było «likvidavać lidaraŭ demakratyčnych sił za miežami krainy».
«Ja taksama viedaju, što ŭ Hałoŭnym raźviedvalnym upraŭleńni KDB było stvorana śpiecpadraździaleńnie dla dziejnaści ŭ Polščy i Litvie i baraćby ź biełaruskaj apazicyjaj u hetych krainach», — paviedamiŭ polskamu vydańniu Łatuška.
Taksama palityk zhadaŭ toj fakt, što ŭ kancy lutaha biahučaha hoda Łukašenka pravioŭ publičnuju sustreču ź ministram abarony, ministram unutranych spraŭ i ministram-kaardynataram śpiecsłužbaŭ, padčas jakoj paviedamiŭ, što ŭ najbližejšyja miesiacy ŭ Polščy buduć pravodzicca dyviersijnyja apieracyi.
«Biezumoŭna, na jahonuju dumku, heta buduć falšyvyja dziejańni, da jakich Biełaruś nie budzie mieć dačynieńnia, ale ŭsie my viedajem, što pastajanna nazirajem sproby dyviersij u Polščy i Litvie. Niadaŭna taksama zjaviłasia infarmacyja, što hrupa z 5-7 śpiecyjalna padrychtavanych snajpieraŭ pavinna była dabracca da Polščy i Litvy», — raskazvaje jon.
Łatuška kaža, što sam staŭ abjektam napadaŭ. Raniej navat byli zahady jaho zabić.
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB10
Kamientary
a adkul viedaje?) dajcia pahaju na kartach Taro... ź niepasrednych krynic?
ach ty ž naš tram ałan mask