Łukašenka zahadaŭ adpraŭlać na likvidacyju nastupstvaŭ urahanu palitźniavolenych
Łukašenka na siońniašniaj sielektarnaj naradzie nie tolki raskrytykavaŭ nasielnictva za toje, što spadziajecca na dziaržavu zamiest taho, kab samim razhrabać nastupstvy ŭrahanu, jaki praniośsia nad Biełaruśsiu ŭ hetyja vychodnyja. Jon zahadaŭ padnačalenym taksama šyroka arhanizavać prymianieńnie prymusovaj pracy.
«Usie pavinny pierš čym «zatyktokacca» i niečaha ŭ internecie «pisnuć», idzi vaźmi siakieru, piłu i dapamažy niešta, a potym krytykuj uzdoŭž i ŭpopierak. Mabilizoŭvajcie nasielnictva.
I ja ŭžo kazaŭ ministru ŭnutranych spraŭ, jon padklučycca, jon viedaje: u nas bolš za 20 tysiač sidzielcaŭ. I tak zvanyja palitźniavolenyja. Tudy, na prosieku, dapamažycie krainie. Tak što kali treba, havary: i haradžan, i asabliva hetych darmajedaŭ», — zahadaŭ Łukašenka pad pasłužlivaje padtakvańnie ministra ŭnutranych spraŭ Ivana Kubrakova.
Kamientary