Haradzienski žurnalist znachodzicca za kratami ŭžo 40 miesiacaŭ.
8 lutaha 2023 hoda jamu prysudzili 8 hadoŭ pazbaŭleńnia voli. Ciapier jon adbyvaje termin u navapołackaj kałonii № 1, dzie na jaho ŭvieś čas akazvajecca cisk, piša «Viasna».
Vice-staršynia Sajuza palakaŭ na Biełarusi Marek Zanieŭski padčas akcyi salidarnaści z palitviaźniem u Biełastoku raspavioŭ, što Pačobuta jašče ŭtrymlivajuć u PKT:
«Na žal, niama infarmacyi pra Andreja. Jon nadalej znachodzicca ŭ Navapołacku, siadzić u PKT u izalacyi i ničoha nie adbyvajecca. Usia hetaja infarmacyja, jakaja hulała apošnija miesiacy,
niekatoryja kazali, što jaho vypuścili, niekatoryja kazali, što jaho vazili na miažu.
Kaniešnie, usio heta niapraŭda, usio heta fejki. Nam vielmi prykra, što takija situacyi adbyvajucca. Situacyja z Andrejem zastajecca vielmi składanaj i na siońnia dzień my nie bačym jaje palapšeńnia».
Miesca ŭtrymańnia palitviaźnia: PK № 1. 211440, Navapołack, Techničnaja, 8.
Kamientary