Hierasimaŭ pad atakaj telehram-kanałaŭ: pra Kursk papiaredžvali, ale jon ničoha nie zrabiŭ
Rasijskija telehram-kanały viaduć ataku na načalnika Hienštaba Valeryja Hierasimava. Jaho abvinavačvajuć u tym, što, maŭlaŭ, praihnaravaŭ paviedamleńni pra padrychtoŭku rejdu USU ŭ Kurskuju vobłaść, piša «Ahientstvo».
Pra iniertnaść kamandavańnia ŭ pieryjad, jaki papiaredničaŭ ukrainskaj atacy, napisaŭ blizki da Minabarony telehram-kanał «Rybaŕ»:
«Na dakłady z Kurskaha taktyčnaha kirunku i hrupoŭki vojskaŭ «Poŭnač» ab prablemach, ab tym, što praciŭnik padciahvaje siły i rychtujecca da naniasieńnia ŭdaru z metaj adrazańnia Biełharada z poŭnačy, na fonie ejfaryi nie źviartali ŭvahu», — piša jon.
Pry hetym aŭtar kanała nie havoryć, chto kankretna byŭ taki bieskłapotny, adnak viadoma, što sa studzienia 2023 hoda hrupoŭkaj rasijskich vojskaŭ va Ukrainie kamanduje Valeryj Hierasimaŭ.
Pavodle infarmacyi kanała «VČK-OHPU», dva tydni tamu namieśnik kamandujučaha Leninhradskaj vajskovaj akruhaj Esieduła Abačaŭ, jaki ŭznačalvaje taktyčny kirunak «Kursk», dałažyŭ Hierasimavu, što Ukraina rychtujecca ŭvajści ŭ Kurskuju vobłaść. Ale na heta Hierasimaŭ nibyta adkazaŭ zaklikam «nie razhaniać paniku» i «nie vieścisia na dezynfarmacyju praciŭnika».
Taksama, pavodle źviestak «VČK-OHPU», niezadoŭha da nastupleńnia Ukrainy Hienštab zabraŭ z Kurskaj vobłaści častku sił i srodkaŭ.
Napiaredadni Valeryj Hierasimaŭ dakładvaŭ Uładzimiru Pucinu, što prasoŭvańnie ŭkrainskich vajskoŭcaŭ «uhłyb terytoryi RF na Kurskim kirunku spynienaje». Adnak paśla hetaha prasoŭvańnie USU praciahnułasia, a płošča achoplenaj bajavymi dziejańniami terytoryi dasiahnuła 430 kv. km.
Hierasimaŭ dałažyŭ Pucinu, što prasoŭvańnie ŭkraincaŭ u Kurskaj vobłaści ŭžo spynili
Z-vajenkary nie padzialajuć aptymizmu Hierasimava: čakajuć, što da viečara Ukraina voźmie pad kantrol rajcentr Koranieva
Syrski za siońnia zrabiŭ Zialenskamu try dakłady — «mienavita takija, jakija patrebnyja»
Bai ŭ Kurskaj vobłaści — jakija mety mohuć pieraśledvać USU?
Jak hłyboka prasunulisia ŭkraincy ŭ Kurskaj vobłaści da viečara 7 žniŭnia?
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary