Ukrainskija vojski zaniali niekalki siołaŭ u Kurskaj vobłaści RF i praciahvajuć utrymlivać rasijskija terytoryi. Ekśpierty ŭ kamientarach dla DW raspaviali ab imaviernych metach USU.
U Kurskaj vobłaści ŭviedzieny režym nadzvyčajnaj situacyi. Ukrainskija vojski zaniali niekalki viosak i praciahvajuć utrymlivać terytoryi.
Ich metaj moža być adciahnieńnie vojska RF ad asnoŭnaj linii frontu, miarkuje niezaležny rasijski vajskovy ekśpiert Juryj Fiodaraŭ.
Pavodle jaho słoŭ, ukrainskich vajskoŭcaŭ moža być dastatkova, kab stvaryć płacdarm na terytoryi RF, dzie adsutničajuć surjoznyja abarončyja ŭmacavańni i dastatkovuju kolkaść vojskaŭ RF dla abarony.
«U Kursku znachodziacca 10-12 tysiač rasijskich vajskoŭcaŭ. Jany razroźnienyja i mienš bajazdolnyja, čym tyja siły, jakija niepasredna ŭdzielničajuć u vajnie», — kaža jon. Pavodle jaho acenki, u atacy z boku Ukrainy moža ŭdzielničać «prykładna dźvie bryhady, kožnaja ź jakich kala 4 tysiač čałaviek».
Ź im zhodny niezaležny rasijski vajskovy ekśpiert Jan Maćviejeŭ, jaki adznačaje, što na terytoryi RF mohuć znachodzicca niekalki sotniaŭ ukrainskich vajskoŭcaŭ, astatniaja častka pakul znachodzicca ŭ reziervie na terytoryi Ukrainy. Na jaho dumku, kali kamandavańnie USU ŭbačyć pośpiechi ŭ nastupie, to atakujučym siłam mohuć pierakinuć reziervy.
Strata kantrolu nad častkaj terytoryi RF — katastrofa dla rasijskich uładaŭ, kaža ŭkrainski vajskovy ekśpiert Aleh Ždanaŭ.
Jon adznačaje, što z 1991 hoda heta ŭpieršyniu, kali zamiežnyja vojski kantralujuć terytoryju RF.
Ždanaŭ ličyć, što kiraŭnictva Ukrainy moža vykarystoŭvać situacyju dla farmiravańnia bolš važkaj pieramoŭnaj pazicyi, kali pačniecca mirny praces urehulavańnia vajennaha kanfliktu.
«Palityčnaje značeńnie hetaha płacdarma abo hetaj terytoryi našmat važniejšaje, čym vajenny pośpiech», — kaža jon.
Z-błohier «Zapiski vietierana» taksama prychodzić da vysnovy, što hałoŭnaja meta USU — abmien rasijskaj terytoryi na ŭkrainskuju. «Asnoŭnaja zadača dadzienaha ŭvarvańnia USU źjaŭlajecca ŭva što b tam ni stała zaniać jak maha bolš našaj terytoryi, zamacavacca i takim čynam padrychtavać placoŭku dla «raźmienu» terytoryj. Inšych tłumačeńniaŭ być nie moža», — piša jon.
Jak hłyboka prasunulisia ŭkraincy ŭ Kurskaj vobłaści da viečara 7 žniŭnia?
«Z rasijskaha boku iranična nazyvać heta pravakacyjaj». U Dziarždepie ZŠA prakamientavali ŭkrainskuju apieracyju ŭ Rasii
U Kurskaj vobłaści ŭviali nadzvyčajnaje stanovišča, pad kantrolem Ukrainy 350 kv. km
Minabarony Ukrainy admaŭlajecca kamientavać nastup u Kurskaj vobłaści, a ŭ Hienštabie nie biaruć słuchaŭku
Z-vajenkary nie padzialajuć aptymizmu Hierasimava: čakajuć, što da viečara Ukraina voźmie pad kantrol rajcentr Koranieva
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj43
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary