Syrski za siońnia zrabiŭ Zialenskamu try dakłady — «mienavita takija, jakija patrebnyja»
Prezident Ukrainy Uładzimir Zialenski vystupiŭ ź videazvarotam, pryśviečanym vajennym pytańniam. Adkryta pra apieracyju USU ŭ rasijskaj Kurskaj vobłaści jon nie kazaŭ, ale ŭskosna na jaje namiakaŭ.
Pavodle słoŭ Zialenskaha, hałoŭnakamandujučy USU Alaksandr Syrski zrabiŭ jamu siońnia ŭžo try dakłady, prytym jany «vynikovyja — mienavita takija, jakija patrebnyja našaj dziaržavie ciapier».
Zialenski vykazaŭ padziaku ŭkrainskim vajaram, jakija zabiaśpiečvajuć «vykanańnie zadač našaj abarony» i padkreśliŭ, što ŭkraincy ŭmiejuć dasiahać svaich metaŭ, a toje, što hetyja mety — vajennyja, nie ich vina.
«Rasija pryniesła vajnu na našu ziamlu i pavinna adčuvać, što joju zroblena. My ž imkniomsia jak maha chutčej dasiahać svaich metaŭ u mirny čas — va ŭmovach spraviadlivaha śvietu», — zajaviŭ ukrainski prezident.
Akramia taho, jon paviedamiŭ, što siońnia jamu taksama zrabili dakłady ministr abarony Rustem Umieraŭ i kiraŭnik SBU Vasil Maluk. Ź pieršym abmiarkoŭvałasia svoječasovaść pastavak uzbrajeńnia i techniki, a druhi dakładvaŭ «pra našy apieracyi i pra dalikatnuju pracu SBU, jakaja abaraniaje ŭkraincaŭ — abaraniaje ad rasijskich dyviersij i sprobaŭ zamachaŭ unutry našaj dziaržavy».
Rybar: Situacyja ŭ Sudžanskim rajonie ciažkaja
U Kurskuju vobłaść z Mali pierakidvajuć bajevikoŭ PVK «Vahnier»
Źjaviłasia VIDEA taho, jak rasijskija pamiežniki zdalisia ŭ pałon
«Ahresar zaŭsiody pažynaje adpaviednyja płady». Michaił Padalak — pra «niedatykalnaść rasijskaj terytoryi»
Ranica 8 žniŭnia: Ukraina kantraluje Sudžu, Koranieva ŭziać nie ŭdałosia, USU ruchajucca ŭ kirunku Lhova
Bai ŭ Kurskaj vobłaści — jakija mety mohuć pieraśledvać USU?
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary