Biełaruś adpuściła łatvijcaŭ, zatrymanych za pravoz marychuany. Bo marychuany nie było
Troje dziaŭčat i małady čałaviek jechali na muzyčny fiestyval u Brasłavie, ale ich zatrymali ŭ punkcie propusku na miažy.
Łatvijcy, jakija byli zatrymanyja ŭ kancy lipienia hetaha hoda ŭ pamiežnym punkcie ŭ Biełarusi praz znojdzieny ŭ mašynie pakiecik marychuany, viarnulisia dadomu, ź ich źniali ŭsie padazreńni, paviedamili ŭ efiry telekanała «Biełaruś 1».
Havorka idzie pra troch dziaŭčat i maładoha čałavieka, jakija jechali ŭ Brasłaŭ na fiestyval. Padčas nadhladu ich aŭtamabila ŭ pamiežnym pierachodzie biełaruskija pamiežniki vyjavili ŭ nišy pamiž zadnim siadzieńniem i paroham nievialiki pakiet. Ekśpiertyza pakazała, što heta marychuana, vahoj 0,82 hrama.
U vyniku była zaviedziena kryminalnaja sprava ab niezakonnym pravozie praź dziaržmiažu narkotykaŭ hrupaj asob.
Pa słovach maładoha čałavieka, pakiet chutčej za ŭsio vypuściŭ znajomy, jakoha jon padvoziŭ niezadoŭha da svajoj pajezdki ŭ Biełaruś.
«U incydencie chutka razabralisia. Ciapier čaćviora łatvijcaŭ užo na radzimie», — paviedamili ŭ efiry dziaržtelekanała.
Śledčyja i ekśpierty pravieryli pakiet na najaŭnaść na im śladoŭ kaho-niebudź z zatrymanych, a taksama praviali analiz na ŭžyvańnie narkotykaŭ usich čatyroch. Vyniki daśledavańniaŭ maładyja ludzi čakali ŭ haścinicy pad padpiskaj ab niavyjeździe.
«Padčas praviadzieńnia ekśpiertyz narkatyčnych srodkaŭ, psichatropnych rečyvaŭ, ich anałahaŭ i prekursoraŭ, jakija padlahajuć dziaržaŭnamu kantrolu ŭ Biełarusi, nie vyjaŭlena», — zajaviŭ namieśnik načalnika ŭpraŭleńnia śpiecyjalnych ekśpiertyz upraŭleńnia Dziaržkamiteta sudovych ekśpiertyz pa Viciebskaj vobłaści Juryj Kazłoŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary
Abviaščajem "bieźviz".
Ekśpiertyza pakazała, što heta 0,82 hr marychuany.
Paśla abmienu pałonnymi
Ekśpiertyza pakazała, što narkotykaŭ niama.
Welcome!