Źjaviłasia videa, jak polskija žaŭniery stralajuć u bok nielehalnych mihrantaŭ ź Biełarusi
Dakładnyja data i čas padziej, što adbyvajucca na videa ź miažy, nieviadomyja.
Na videa, jakoje 11 žniŭnia apublikavaŭ u siabie polski partał Visegrád 24, bačnaja hrupa nielehalnych arabamoŭnych mihrantaŭ, jakaja traplaje ŭ Polšču ź Biełarusi. U adkaz na heta polskija žaŭniery adkryvajuć u bok mihrantaŭ ahoń, sprabujučy adahnać ich ad miažy.
BREAKING:
Polish border guards open fire as a group of illegal migrants try to sneak through the border wall with Belarus.
pic.twitter.com/tY9LC5R0bP
Videa prahladzieli bolš za miljon razoŭ.
Polskaja pamiežnaja słužba pakul nijak nie prakamientavała zdareńnie, a apošniaje paviedamleńnie viedamstva ŭ tvitary (X) abviaščaje, što za pieryjad 9-11 žniŭnia na miažy ź Biełaruśsiu byli zafiksavany amal 190 sprobaŭ nielehalnaha praniknieńnia ŭ Polšču. U bok polskich patruloŭ kidali kamiani i halinki dreŭ. 5 čałaviek byli zatrymanyja.
Varta adznačyć, što na polska-biełaruskaj miažy ź siaredziny červienia dziejničaje bufiernaja zona, uviedzienaja Polščaj u adkaz na zabićcio nielehalnymi mihrantami polskaha žaŭniera.
Na fonie hetaha ludziam, jakija pierasiakajuć miažu, stali prychodzić SMS-paviedamleńni ad Uradavaha centra biaśpieki Polščy na anhlijskaj movie nastupnaha źmiestu: «Papiaredžańnie! ZABARONA na znachodžańnie na terytoryi Polščy pablizu miažy ź Biełaruśsiu. Niesankcyjanavanaje pierasiačeńnie zabaroniena. Sałdaty mohuć vykarystoŭvać zbroju. Nieadkładna viartajciesia!»
Vykarystańnie bajavoj zbroi dla vyrašeńnia prablemy nielehalnaj mihracyi, pavodle apošnich apytańniaŭ, padtrymlivajuć bolš za 85% palakaŭ.
Ciapier polska-biełaruskuju miažu achoŭvajuć 6 tys. žaŭnieraŭ, a taksama 1,5 tys. pamiežnikaŭ i supracoŭnikaŭ palicyi.
Pavietranaja himnastka pakazała zakuliśsie pracy ŭ Biełdziaržcyrku7
Kamientary