Bolš za 85% palakaŭ za toje, kab stralać pa mihrantach, kali jany šturmujuć miažu
85,7% palakaŭ miarkujuć, što vajskoŭcy pavinny mieć mahčymaść užyvać zbroju, kali mihranty siłaj sprabujuć pierasiačy ŭschodniuju miažu krainy. Takija nastroi zaśviedčyła apytańnie Instytuta rynkavych i sacyjalnych daśledavańniaŭ IBRiS na zamovu vydańnia Rzeczpospolita, piša Most.
57,8% apytanych adkazvajuć na hetaje pytańnie rašuča stanoŭča i jašče 27,9% — chutčej stanoŭča. Tolki 9,2% ličać, što vajskoŭcy chutčej nie pavinny ŭžyvać zbroju i 1,5% — upeŭnienyja ŭ hetym. 3,6% apytanych nie vyznačylisia z adkazam.
Ideja prymianieńnia zbroi čaściej znachodzić razumieńnie ŭ mužčyn, žycharoŭ nievialikich haradoŭ i ludziej z bolš nizkim uzroŭniem adukacyi.
Niadaŭna ŭ Polščy razhareŭsia skandał praz zatrymańnie žaŭnieraŭ, jakija ŭ kancy sakavika sprabavali spynić hrupu mihrantaŭ la miažy ź Biełaruśsiu, stralajučy ŭ pavietra, a zatym u ziamlu. Dvum vajskoŭcam było vystaŭlena abvinavačvańnie ŭ pieravyšeńni paŭnamoctvaŭ.
Historyja ŭspłyła tolki ciapier i vyklikała škvał abureńnia ŭ hramadstvie i va ŭładzie. U vyniku premjer-ministr adpraviŭ u adstaŭku namieśnika hienprakurora pa vajskovych spravach.
Polskija pamiežniki pakazali zbroju mihrantaŭ na miažy ź Biełaruśsiu
Polšča nakiruje na miažu ź Biełaruśsiu vajskoŭcaŭ z bajavym dośviedam u Afhanistanie, Iraku i Kosavie
U polskich uładaŭ jość fota zabojcy polskaha pamiežnika, jaki zahinuŭ na biełaruskaj miažy
Zabojstva žaŭniera Polšča nie vybačyć. Łukašenka pravakuje surjozny kanflikt
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna42
Kamientary
Rynak, luby čytače, heta nie adstreł minakoŭ, a dobraachvotnyja abmieny. Ź minakami taksama