Bufiernaja zona skaraciła kolkaść sprobaŭ praniknieńnia nielehałaŭ u Polšču amal na 65%
Kolkaść sprobaŭ praniknieńnia nielehalnych mihrantaŭ ź Biełarusi ŭ Polšču skaraciłasia amal na 65% za pieršyja 28 dzion dziejańnia bufiernaj zony na miažy dźviuch krain. Pra heta paviedamiła polskaja Słužba achovy miažy.
«U pieryjad z 16 maja pa 12 lipienia Słužba achovy miažy zafiksavała 5560 sprobaŭ nielehalnaha pierasiačeńnia miažy. U pieršyja 28 dzion dziejańnia bufiernaj zony było 1920 takich sprobaŭ. Heta aznačaje ich skaračeńnie pryblizna na 65%», — havorycca ŭ paviedamleńni viedamstva ŭ sacsietcy X.
Pastanova MUS Polščy ab stvareńni bufiernaj zony na niekatorych učastkach miažy ź Biełaruśsiu ŭstupiła ŭ siłu 13 červienia. Zhodna ź joj, daŭžynia bufiernaj zony składaje 60,67 km, šyrynia — ad 200 m da 2 km. Abmiežavańni na pieramiaščeńnie i znachodžańnie ŭnutry bufiernaj zony ŭviedzienyja ŭ 27 nasielenych punktach Hajnaŭskaha i Biełastockaha pavietaŭ Padlašskaha vajavodstva.
Bufiernaja zona stvoranaja na 90 dzion, ale dziejańnie abmiežavalnych mier moža być praciahnutaja. Rašeńnie ab stvareńni było pryniata premjeram Donaldam Tuskam u kancy maja paśla zabojstva nielehałam na miažy polskaha vajskoŭca.
Kiraŭnik MUS Polščy nie vyklučaje zakryćcia miažy ź Biełaruśsiu
Polšča ŭzmacniła achovu miažy ź Biełaruśsiu vajskovaj žandarmieryjaj
«Mahli ź biełaruskimi pamiežnikami zakuryć cyharetu». Jak žyvie polskaje pamiežža z bufiernaj zonaj
Turysty na polska-biełaruskaj miažy stali atrymlivać tryvožnyja esemeski. Ci varta panikavać?
Žycharoŭ Polščy zaklikajuć paviedamlać ab padazronych ludziach la «bufiernaj zony»
Bufiernaja zona na polska-biełaruskaj miažy źjavicca ad zaŭtra
«Śpiektakl skončany?» BiełTA vystupiła ź miehavodpaviedździu adnosna situacyi na miažy
Kamientary