Ukrainskija vojski prasoŭvajucca ŭ kirunkach Kurska, Lhova i Rylska adnačasova — vajenkary
Z-vajenkary pryznajuć, što rasijanam nie ŭdajecca pakul stvaryć sucelnuju liniju abarony i davodzicca bić «Iskanderami» pa nastupajučamu praciŭniku.
Juryj Padalaka piša, što ŭkrainskija vajskoŭcy, nazapasiŭšy siły, 12 žniŭnia pačali šturmavyja dziejańni amal na ŭsioj linii bajavoha sutyknieńnia ŭ Kurskaj vobłaści.
«U rajonie Koranieva jon [praciŭnik] sprabavaŭ abyści rajonny centr z uschodu. Jaho DRH zajšli navat za jaho, sprabujučy pierarezać trasu na Rylsk, ale byli adkinutyja.
Miž tym, iduć žorstkija bai za n.p. Olhina, uziaćcie praciŭnikam jakoha mocna ŭskładnić harnizonu Koranieva dalejšuju abaronu n. p.
Taksama praciŭnik raspačaŭ praryŭ kałonaj Paŭnočna-Uschodniaj u ahulnym kirunku na n.p. Kaŭčuk. Byŭ spynieny tut i adkinuty. Ale na žal nie na zychodnyja pazicyi. Dzie ŭviečary i praciahnuŭ nazapašvać svaje siły», — piša Padalaka.
Pavodle jaho słoŭ, jašče adzin udar byŭ naniesieny ŭkraincami pamiž n. p. Čarkaskaje Paročnaje i trasaj na Kursk, a taksama na Bierdzin i Vialikaje Sałdackaje.
«Jon [praciŭnik] byŭ spynieny na podstupach i sprabuje taksama tut zamacavać svaje pośpiechi. Zaŭtra i tut čakajucca krovapralitnyja bai», — piša vajenkar.
Inšy kanał, «Rybar», taksama paviedamlaje, što «mabilnyja hrupy praciŭnika raspačali sprobu zamacavacca la Vialikaha Sałdackaha».
Varta adznačyć, što Vialikaje Sałdackaje — apošni značny nasieleny punkt na darozie da Kurčatava i Kurskaj AES.
Juryj Padalaka taksama piša, što siońniašnija bai pakazali: rasijskaja abarona tut nie sucelnaja, a ačahovaja.
«Supiernik davoli lohka prasočvajecca pamiž našymi vuzłami abarony, sprabujučy adrezać ich ad hałoŭnych sił. Na žal, pakul my ich možam tut utrymlivać tolki raźlikami BPŁA, avijacyjaj i … rakietčykami. Siońnia pry adbićci napadaŭ pa praciŭniku nami byli ŭžytyja tut navat «Iskandery» (pa vialikaj kolkaści USU)», — piša vajenkar.
Adznačajecca, što ŭkraincy ranicaj taksama praviali raźviedku bojem u rajonie pamiežnaha pierachoda Kałaciłaŭka. Akramia taho, inšaja hrupa ŭkrainskaj armii ad Plechava dajšła da Hirjaŭ, dzie jaje sustreŭ rasijski kardon.
Padalaka śćviardžaje, što siły va ŭkraincaŭ jość. «A tamu nastupnyja minimum dva dni buduć vielmi važnymi i ciažkimi», — dadaje jon.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary